Рега — Конго Демократиялық Республикасындағы Киву көлі мен Луалаба өзенінің аралығындағы банту тобының халқы. Саны 400 мың адам.[1]
| Рега | |
| варега, барега | |
| Бүкіл халықтың саны | |
|---|---|
|
400 000 | |
| Ең көп таралған аймақтар | |
| Тілдері | |
|
кирега тілі | |
| Діні | |
|
дәстүрлі сенімдер |
Тілі
Тілі - кирега тілі.[2]
Діні
Дінге сенушілердің діни наным-сенімдері: дәстүрлі сенімдер.[3]
Кәсібі
Негізгі дәстүрлі кәсіптері қолмен атқарылатын егіншілік (тәтті картоп, банан, май пальмасы, көкөністер), өзеннен балық аулау және аң аулау. Плантациялар мен өнеркәсіптік кәсіпорындарда маусымдық жұмыс кең тараған. Бір бөлігі ұсақ саудамен айналысады. Көркемдік қолөнерден – қоржын мен төсеніш тоқу, ағаш оюы, қыш бұйымдарын жасау дамыған.[4]
Өмір салты
Негізгі әлеуметтік бірлік – үлкен отбасы қауымдастығы. Туыстық есеп патрилинейлік, кейде матрилинейлік болып табылады. Неке патрилокальды.
Елді мекендері ықшам, жол немесе өзен бойында созылып салынған. Тұрғын үйлері төртбұрышты, қабырғалары қаңқалы және төбесі пальма жапырақтарынан немесе сабаннан жасалған.
Дәстүрлі киімдері (талшықтардан тоқылған белдік немесе алжапқыштар) өз мәнін жоғалтты.
Азық-түліктері - шикі және қуырылған банандар, маниок бәліштері, ботқа және пальма майы мен ыстық дәмдеуіштер қосылған бұқтырылған тағамдар.[5]
Дереккөздер
Wikiwand - on
Seamless Wikipedia browsing. On steroids.