Пентландит

Пентландит, темірлі-никельді колчедан (минералды алғаш тапқан ағылшын саяхатшысы Дж. Пентлендтің құрметіне аталған) — сульфидтер класының минералы. Хим. формуласы: (Fe, Nі)₉S₈. Кубтық сингонияда кристалданып, сеппе, тұтас түйірлі масса түзеді. Түсі қоладай сары, металдай жылтыр, сынымы шытынақ, жымдастығы октаэдр бойынша; қаттылығы Моос шкаласы бойынша 3 — 4, тығыздығы 4,5 — 5,1 г/см3, морт, электр тогын жақсы өткізеді. Пентландит ультранегізді тау жыныстармен (габбро-норит, пироксенит) генетикалық байланыста келетін сульфидті мыс-никель кентастарының кендерінде пирротинмен, магнетитпен, т.б. бірге кездеседі. Пентландит — никель кентасының басты минералы.

Дереккөздер

«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, VII том