Мим

Мим (гр. mіmos – еліктеуші, еліктеу) –

Антикалық театрдағы тұрмыстық және сатиралық мазмұндағы қысқа сахналық көріністер. Ежелгі Грекияда (б.з.б. 5 ғасыр) суырыпсалмалық халық драмасы ретінде пайда болды. Әкелі - балалы ақындар Софрон мен Ксенархтың шығармалары гректік Мимге әдеби түр берді. Эллинизм дәуірінде (б.з.б. 4 – 3 ғасырлар) Мим Таяу Шығыстағы атақты грек мимографтары Герод пен Сотадтың шығармаларында көрініс тапты. Мим кейіпкерлері көбінесе құлдар, гетералар болды. Мим ойын - сауығында өлең қара сөзбен алмасып, диалог түрінде келіп, ән мен би де орындалды. Сонымен бірге, Мимнің әсері орта ғасырдағы фарстарда және италиялық дель арте комедиясында байқалды.^[1]
Мимді орындаушы актер немесе актриса. Олар туралы мағлұматтар ежелгі авторлардың жазбаларында, құмыра кескіндемесінде кездеседі. Қазіргі театрда пантомима орындаушы актерлерді кейде Мим деп атайды.^[2]

Сілтемелер

Дереккөздер

[1]
Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8
[2]
Қазақ энциклопедиясы, 6 том

Осы мақала қазақ мәдениеті туралы бастама болып табылады. Бұны толықтырып, дамыту арқылы, Уикипедияға көмектесуіңізді сұраймыз.

[1] [1]
Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8

[2] [2]
Қазақ энциклопедиясы, 6 том

[1]

[2]