Доцент

Доцент — жоғарғы оқу орнындағы оқытушыға ғылыми мамандығы бойынша белгілі талапқа сай берілетін ғылыми атақ. Ресейде доцент атағы университет жарғысы бойынша 1863 жылы енгізілді. КСРО-да доцент атағы ғылым кандидаты деген дәрежесі жарияланған ғылыми еңбектері немесе ғылымға енгізілген жаңалықтары бар әрі конкурс бойынша доцент қызметіне өтіп, кемінде бір жыл ойдағыдай жұмыс істегеннен соң беріледі. Доцент атағын жоғарғы оқу орнының ғылыми кеңесінің ұсынуы бойынша жоғары аттестациялық комиссия бекітеді. Педагогикалық тәжірибесі мол, жоғарғы мамандығы бар әрі доцент қызметінде конкурспен қабылданып,ойдағыдай еңбек етіп жүрген оқытушыға ғылыми дәрежесі болмаса да доцент атағы берілуі мүмкін. Доцент атағы шетелдерде, көбінесе магистр дәрежесімен шамалас ғылыми дәрежесі бар адамдарға беріледі.

Доцент Аттестаты. Ресей Федерациясы

Ресей доценті

Ресей Федерациясында (РФ) «доцент» термині: а) университеттегі немесе ғылыми-зерттеу институтындағы ғылыми-педагогикалық қызметкердің ғылыми атағын; б) университеттегі оқытушылық қызмет. Осыған ұқсас екі жақты түсіндіру «профессор» ұғымына қатысты орын алады. Доцент атағын берудің белгілі бір тәртібі және мамандарды қабылдаудың белгілі дәстүрлері бар.^[1][2]

Дереккөздер

1. Постановление Правительства Российской Федерации от 10 декабря 2013 г. N 1139 г. Москва "О порядке присвоения ученых званий" [см.: Критерии присвоения ученого звания доцента (п. 11); О статусе ранее присвоенных званий старшего научного сотрудника и доцента по кафедре (преамбула п. 2), Критерии для профессоров (п. 9); Присвоение званий работникам искусства и спорта (разд. III-IV); Лишение ученых званий (разд. VII). Российская Газета.(қолжетпейтін сілтеме) Тексерілді, 12 желтоқсан 2013.
2. Райзберг Б. А. Учёные степени и звания: кто есть кто.(қолжетпейтін сілтеме)