Баффин Жері

Баффин Жері (ағылш. Baffin Island) — Канадалық арктикалық топаралдың ішіндегі ең үлкен арал. Ол солтүстік-батыстан оңтүстік-шығысқа қарай Гренландия жағалауы бойымен 1500 км-ге созылып, одан Баффин теңізі мен Дейвис бұғазы арқылы бөлініп жатыр. Ауданы 476 мың км². Аралдың басым бөлігі кембрийге дейінгі гнейстер мен кристалды тақтатастардан түзілген. Батыс бөлігі - батпақты көлдері бар төбешікті (абсолюттік биіктігі 150 - 200 м) жазықтық, шығыс бөлігін таулар (абсолюттік биіктігі 2591 м) алып жатыр. Онда ауданы 83 мың км² болатын мұздықтар орналасқан. Климаты арктикалық ылғалды. Өсімдіктері – мүк, қына және тундралық бұталар, жануарлары – лемминг, поляр қояны, көгілдір түлкі. Тұрғындары 3 мыңға жуық, негізінен, аралдың оңтүстігінде тұрады. Олардың негізгі кәсібі - аңшылық пен балық аулау. Қорғасын, мырыш, күміс өндіретін шахталар жұмыс істейді. Арал ағылшын зерттеушісі У. Баффин құрметіне аталған.

Баффин Жері ағылш. Baffin Island, Үлгі:Lang-iu
Сипаттамасы
Ауданы	507 451 км²
Ең биік нүктесі	2147 м
Тұрғындар (2007 жыл)	11 000 адам
Халық тығыздығы	0,022 адам/км²
Орналасуы
69°00′ с. е. 72°00′ б. б.69.000° с. е. 72.000° б. б. / 69.000; -72.000 (G) (O) (Я) (T)
Акватория	Солтүстік Мұхды мұхит
Ел	Канада
Аймақ	Нунавут
Баффин Жері
Баффин Жері Ортаққорда