Іргешөп

Іргешөп(Spergularіa) – қалампыр тұқымдасына жататын бір немесе екі жылдық шөптесін өсімдік. Дүние жүзіндегі сортаңды топырақты аймақтарында өсетін 30-ға жуық түрі белгілі. Қазақстанның барлық жазықты жерлерінде өсетін 4 түрі бар. Олардың биікт. 5 – 20 см. Сабақтары бұтақтанған, сыртын безді түк басқан. Жапырақтарының пішіні жартылай цилиндр тәрізді, оларды ортасына дейін өсетін үшбұрышты бөбешік жапырақтары орап жатады. Тостағанша, күлте жапырақшаларының саны бесеу. Гүлі қызғылт не ақ түсті, қос жынысты. Аталығының саны 2 – 5, аналық мойны – үшеу. Ұсақ гүлдері шашақ гүлшоғырына топталған. Мамыр айынан бастап, қыркүйекке дейін гүлдеп, жеміс салады. Жемісі – үш жақтаулы қорапша. Тұқымы қанатсыз кейде қанаты болады.

Іргешөп
Spergularia macrotheca
Ғылыми топтастыруы
Дүниесі: Өсімдіктер (unranked) Eudicots (unranked) Core eudicots Сабы: Caryophyllales Тұқымдасы: Caryophyllaceae Тегі: Spergularia (Pers.) J.Presl & C.Presl

^[1]

Пайдаланылған cілтемелер

Б. Қасенова

1. Қазақ Энциклопедиясы, 9 том