Перикл

Перикл, көне грекше: Περικλῆς (б.з.б. 490 ж.ш., Афины, - б.з.б. 429 ж., сонда) – ежелгі грек саяси қайраткері, б.з.б. 444/443-429 жылдары ( 430 жылдан басқа) Афинының стратегі (қолбасшысы).

Жан-жақты білім алған. Б.з.б. 442 жылдан бастап Афины мемлекетін басқарды. Афиныда мүліктік цензаны жойды, қызмет адамдарына жалақы тағайындады, т. б. Перикл тұсында көптеген қоғамдық құрылыстар (Парфенон, Пропилеи, Одеон, Қанатсыз Ника храмы) салынды. Афины эллиндік әлемнің ірі экономикалық, саяси және мәдени орталығына айналды. Периклдің сыртқы саясаты Афиныны күшті теңіз мемлекетіне айналдыруға бағытталды.