Мори (то мори) — Индонезияда, Сулавеси аралында тұратын халық. Олар биік, орманды тау жоталары мен терең аңғарларда қоныстанған. Халқының саны Лалаки мен Бунгку туысқан халықтарымен бірге 2010 жылғы мәліметтер бойынша 240 мың адамды құрайды.[1]
Тілі - аустронезиялық отбасының, батыс аустронезия тобындағы мори немесе аикоа тілі.[2]
Морилер - протестанттық христиандар
Дәстүрлі кәсібі – күріш өсіру, сондай-ақ жүгері, таро, темекі сатуға арналған кофе өндірісі барған сайын маңызды болып келеді. Дәстүрлі қыш, қола, темір бұйымдары сатып алынған заттармен алмастырылуда.[3]
Отбасы шағын, көп әйел алу тек үстем тап арасында жиі кездеседі. Қалыңдық үшін құн төленеді. Некелер тек үстем тап өкілдерінің арасында болады. Неке матрилокальды, содан кейін неолокальды. Мүлікті барлық балалар бірдей мұраға алады. Ажырасуға рұқсат етілген.
Дәстүрлі культтердің қалдықтары – ата-бабалар рухына тағзым ету, күріш құдайына, тағдыр мен өлім құдайына, су құдайы мен болжаушы құстарға , жақсылық пен зұлым рухтарға сену сақталған. Өлгендерді кебінге орап, үш-бес жылға дейін тұғырда қалдырған, беделді адамдарды бейіттерге жерлеген. Үңгірлерге екінші рет жерлеу дәстүрі болған. Қауым басшысының өліміне орай бас аулау ұйымдастырылған.
Елді мекендері шығыстан батысқа қарай созылған, ортасында киелі орны бар түзу орналасқан. Қадаларға орналасқан ағаштан және бамбуктан жасалған тікбұрышты үйлері бар.
Ерлер киімі – еуропалық үлгідегі киімдер, әйелдердікі – саронг.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.