Марко ван Бастен

Марко ван Бастен (нидер. Marco van Basten , [ˈmɑrkoː vɑm'bɑstə(n)]; толық аты — Марсел ван Бастен, нидер. Marcel van Basten; 31 қазан 1964 жыл, Утрехт, Нидерланд) — нидерланд футболшысы. Нидерланд Ұлттық футбол құрамасының 80-90 жылдардағы ең үздік футболшыларының бірі. 1988 жылғы Еуропа чемпионы.

Марко ван Бастен
Жалпы мағлұмат
Туған күні	31 қазан 1964 (1964-10-31) (60 жас)
Туған жері	Утрехт, Нидерланд
Азаматтығы	Нидерланд
Бойы	188
Клуб жайлы ақпарат
Клуб	Нидерланд
Қызметі	көмекші-бапкер[1]
Жастар клубы 1970—1971 ЭДО (Утрехт) 1971—1980 УВВ (Утрехт) 1980—1981 УСВ Элинквейк 1981—1982 Аякс Клуб карьерасы[* 1] 1981—1987 Аякс 133 (128) 1987—1993 Милан 147 (90) 1981—1993 Барлығы 280 (218) Ұлттық құрамы[* 2] 1983 Нидерланд-20 4 (2) 1983—1992  Нидерланд 58 (24) Бапкерлік карьерасы 2003—2004 Аякс (резерв) 2004—2008 Нидерланд 2008—2009 Аякс 2012—2014 Херенвен 2014 АЗ 2014—2015 АЗ көмекші 2015— Нидерланд көмекші
Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады. Ресми матчтарда ұлттық құрамда болған ойындары мен голдар саны.
Бұл үлгіні: көру • талқылау • өңдеу

Карьерасы

Клубтық

"Аякс" клубының түлегі. 1981-87 жылдары клуб сапында 133 ойын өткізді. 1987 жылы отандастары Руд Гуллит, Франк Райкаард үшеуі "Милан" футболшысы атанды. Алғашқы маусымда-ақ Италия чемпиондығына қол жеткізді, кейін қататынан екі жыл Чемпиондар кубогында топ жарды.

1993 жылы жарақатының кесірінен футболмен қоштасты.

Ұлттық құрама

1988 жылғы Еуропа чемпионатының финалында КСРО қақпасына "ғасыр голын" соқты. Екінші таймда әуелеп келген допты тоқтатпай қақпаға бағыттады, қақпадан өте қиғаш тұрса да, қақпашы Ринат Дасаевтың үстінен асыра қашық бұрышты дәл көздеді.

1990 жылы әлем чемпионатына, 1992 жылы Еуропа чемпионатына қатысты.

Бапкерлік

2003 жылы бапкерлікке ауысты. 2004-2008 жылдары Нидерланд Ұлттық құрамасын жаттықтырды. 2006 жылғы әлем чемпионатынның 1/8 финалында Нидерланд 0:1 есебімен Португалиядан ұтылып қалғанына қарамастан, келісім шарт тағы екі жылға созылды.

2008 жылғы Еуропа чемпионатында Нидерланд топтық кезеңнің барлық кездесуінде жеңіске жетті. Бірақ 1/8 финалда күтпеген жерде Ресейден 1:3 есебімен ұтылып қалды. Бұл Ван Вастеннің құрама бапкерлігі ретінде соңғы ойыны болды.

Сол жылы "Аякс" бас жаттықтырушысы боп тағайындалды.

Жетістіктері

Командалық

«Аякс»

• Нидерланд чемпионы (3): 1981/82, 1982/83, 1984/85
• Нидерланд кубогы (3): 1983, 1986, 1987
• Кубок иелері кубогы: 1987

«Милан»

• Италия чемпионы (4): 1987/88, 1991/92, 1992/93, 1993/94
• Италия суперкубогы (4): 1988, 1992, 1993, 1994
• Чемпиондар кубогы (2): 1989, 1990
• Құрлықаралық кубок (2): 1989, 1990
• УЕФА Суперкубогы (2): 1989, 1990

Нидерланд құрамасы

• Еуропа чемпионы: 1988
• Еуропаның қола жүлдегері: 1992

Жеке

• Нидерланд чемпионатының мергені (4): 1984, 1985, 1986, 1987
• Италия чемпионатының мергені (2): 1990, 1992
• Нидерландының жыл футболшысы: 1985
• «Алтын бутсы» иегері: 1986
• «Алтын доп» иегері (France Football) (3): 1988, 1989, 1992
• Еуропаның үздік футболшысы (Onze d’Or) (2): 1988, 1989
• ФИФА жыл футболшысы: 1992
• Чемпиондар кубогының мергені: 1989
• ФИФА 100

Дереккөздер

1. Marco van Basten.  (нид.). az.nl. Тексерілді, 27 қыркүйек 2014.

Сілтемелер

• Ван Бастенге арналған сайт (ағыл.)
• Биографиясы Мұрағатталған 7 маусымның 2008 жылы.
• Марко Ван Бастен