Жансүгіров ауылы

Жансүгіров — Жетісу облысы Ақсу ауданындағы ауыл, аудан (1964 жылдан) және Жансүгіров ауылдық округі орталығы.

Географиялық орны

Ауыл
Жансүгіров
Әкімшілігі
Ел	ҚазақстанҚазақстан
Статусы	Аудан орталығы
Облысы	Жетісу
Ауданы	Ақсу
Ауылдық округі	Жансүгіров
Тарихы мен географиясы
Координаттары	45°23′51″ с. е. 79°30′03″ ш. б.45.39750° с. е. 79.50083° ш. б. / 45.39750; 79.50083 (G) (O) (Я)
Бұрынғы атаулары	Тасбекет, Абакумовка
Ауыл статусы	2013
Уақыт белдеуі	UTC+5:00
Тұрғындары
Тұрғыны	10 067[1] адам (2023)
Сандық идентификаторлары
Автомобиль коды	19
Жансүгіров Жансүгіров
Жансүгіров шекарасы

Облыс орталығы – Талдықорған қаласынан солтүстік-шығысқа қарай 119 км-дей жерде, Жетісу (Жоңғар) Алатауының солтүстік сілемдерінің бірі — Қайрақты тауының солтүстік-батыс баурайында, Ақсу өзені жағалауындағы бұта шоғырлары аралас бетеге, жусан, селеу, боз, сарсазан өскен қоңыр, сұр қоңыр топырақты қуаң дала белдемінде орналасқан.

Халқы

Саны (1999, 2009, 2021)^[2][3]

1999	2009	2021	2021 2009-ға пайызбен	Ерлер 2009	Ерлер 2021	2021 2009-ға пайызбен	Әйелдер 2009	Әйелдер 2021	2021 2009-ға пайызбен
8830	▼8288	▲10024	120,9	3986	▲5025	126,1	4302	▲4999	116,2

Тарихы

Іргесі 19 ғасырдың ортасында қаланды. Алғашында "Тасбекет", кейін Абакумовка селосы аталды. 1930 жылдарының басында мұнда алғашқылардың бірі болып ұжымшар ұйымдасты, кейін ол бірнеше ұсақ шаруашылықпен біріктіріліп "Өндіріс", одан соң Чапаев атындағы ұжымшар атанды. 1963 жылы ол "Қаракемер" кеңшары болып қайта құрылды. 1966 жылдан қазақтың белгілі ақыны Ілияс Жансүгіровтың есімімен аталады. Жансүгіровте қант зауыты, су электр стансасы, автокөлік, құрылыс мекемесі, астық қабылдау пункті, нан зауыты, т.б. ауданы кәсіпорындар мен мекемелер бар. Жансүгіров атындағы АҚ, серіктестіктер мен шаруа қожалықтары жұмыс істейді.

Инфрақұрылымы

2 орта мектеп, кәсіптік техникалық мектеп, аудандық аурухана, емхана, баспахана, кинотеатр, клуб, сауда орталығы, стадион, мешіт, Жансүгіров музейі, саябақ, т.б. бар. Жансүгіров арқылы Алматы—Өскемен автомобиль жолы өтеді.^[4]

Дереккөздер

1. Қазақстан Республикасы халқының жынысы және жергілікті жердің типіне қарай саны (2023 жылғы 1 қаңтарға)
2. 2009 жылғы Қазақстан Республикасы халқының Ұлттық санағының қорытындылары. Астана 2011. 1 том Мұрағатталған 8 желтоқсанның 2019 жылы.
3. 2021 жылғы ұлттық халық санағының қорытындылары
4. Жетісу энциклопедия. - Алматы: «Арыс» баспасы, 2004 жыл. — 712 бет + 48 бет түрлі түсті суретті жапсырма. ISBN 9965-17-134-3