Джеймс Стюарт (ағылш. James Stewart; 1499 жыл — 1544 жыл), 1501 жылдан бастап Морей графы) — шотландық барон, король IV Джеймс пен оның көңілдесі Дженет Кеннедидің некесіз туған ұлы.
1526–1528 жылдары Морей шотландтық барондардың король V Джеймсті Ангус графының билігінен босату қозғалысына белсене қатысты. V Джеймстің тәуелсіз билігі кезінде Морей, шын мәнісінде, патшаны, қандас бауырын қолдайтын жалғыз ірі шотланд бароны болды: V Джеймс тұтастай ақсүйектерді біртіндеп әкімшілікті басқарудан шеттетті және жерлерді конфискациялады. Джеймс Стюарт елдің солтүстік аймақтарында тәртіпті сақтауға жауапты болды және орталық билікке қарсы тау кландарының толқуларын бірнеше рет басты. 1542 жылы корольдің қандас бөлесі Хантли графын алып тастағаннан кейін, Морей Англиямен соғыс кезінде король әскерінің қолбасшысы болып тағайындалды. Алайда, бұл соғыс Солуэй-Моссе апаты мен король Яков V-нің қайтыс болуымен аяқталды.
Королева Мария Стюарттың кәмелет жасына толмаған кезеңінде Морей регенттік кеңестің мүшесі болды және кардинал Битонның профранцуздық саясатының жақтаушысы болды.
Отбасы
3-Аргайл графының қызы Элизабет Кэмпбеллге үйленді. Жалғыз қызы — леди Мэри Стюарт, 3-Бьюкен графының ұлы (1-Бьюкен графының немересі), Джон Стюартқа (1547 жылы қайтыс болған) тұрмысқа шықты.
Морей графы қайтыс болған соң жесірі 11-Сазерленд графына тұрмысқа шықты.
Дереккөздер
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.