From Wikipedia, the free encyclopedia
Готэм Сити (ағылш. Gotham City) — Бэтмен жайлы оқиғалар орын алатын ойдан шығарылған қала. АҚШ-тың Шығыс жағалауында орналасқан. Кемшіліктерге толы сұрғылт мегаполис. Оның прототипі Нью-Йорк пен Чикаго саналады, ал антиподы — Супермен мекендеген Метрополис қаласы. Бұлай деуге себептердің бірі - Метрополистегі оқиғалар көбіне күндіз орын алса, ал Готэм ситиде керісінше түнде орын алады. Бэтменнің алғашқы авторларының бірі Деннис О’Нилдың айтуынша, Метрополис ол 14-көшеден жоғарғы Нью-Йорк, ал Готэм — 14-көшеден төменгі Нью-Йорк.
Ноттингемшир графтығында расыменде Готэм аталатын ағылшын ауылы бар. Ағылшын фольклорінде ақымақтар жайлы әңгімелерде кездеседі. Ең танымал әңгіменің бірінде ауылдың тұрғындары ағылшын королі Иоанн Жерсізді өз жерінен өткізбес үшін ақылынан алжасқан кейіп танытқаны айтылады. Басқа бір әңгімеде олар көкек ұшып кетпес үшін айналасына қорған соққаны айтылған. Бұл әңгімелерді 1540 жылы ағылшын жазушысы Эндрю Борд қағазға түсіреді. Кітап алғаш «Готэмнің есінен адасқан ерлері жайлы көңілді әңгімелер» атымен басылып шыққан, ал екінші рет басылғанда «есінен адасқан» сөзін «данагөй» сөзімен алмастырады. 1807 жылы Вашингтон Ирвинг «Сальмагуди» сатирикалық әңгімелер жинағында ақымақтар ауылын Нью-Йоркпен салыстырған, сол кезден бастап «Готэм» сөзі Нью-Йорктың лақап атына айналады. Ойдан шығарылған мегаполистің атауы ретінде ол алғаш рет 1941 жылы ақпанда пайда болды (Detective Comics #48). Бұл кезде Бэтмен жайлы комикстердің шығып бастағанына бір жарым жыл өткен еді. Оған дейін оқиғалар Нью-Йорк немесе аты аталмаған қалаларда орын алып жүрді[1].
Готэм сити құрылыс орындарының көптігінен экологиялық проблемаларға тап болған. Қаланың архитектуралық бейнесі XX ғасырдың басында түзілді: орталық бөлік неоготикалық стильде салынып аса урбандалған халде. Қала ірі экономикалық орталық болып табылады: қор биржасы, банктер мен корпорациялардың биік офистері бар. Театрлар, музейлер, университеттердің саны өте көп. Көрнекі орындардың біріне — ерекше қылмыскерлер ұсталатын Аркхэм психиатриялық емханасы жатады.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.