![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c1/Mont_Tamgout.jpg/640px-Mont_Tamgout.jpg&w=640&q=50)
Tamurt n Iqbayliyen Tameqqṛant
From Wikipedia, the free encyclopedia
Tamurt n Iqbayliyen Tameqqṛant d akal i wumi qqaren iqbayliyen iqburen Tamawya taqbaylit (neɣ Tamawya). Awrir-is i d timeẓlit si Tamurt n Iqbayliyen Tamectuḥt, ar unẓul-agmuḍ, dɣa si Tamurt n Iqbayliyen Takewssart, ar umalu, dɣa tebuẓẓel, seg ugafa ar unẓul, seg taftist n ugrakal armi d tiqacuctin n Ǧerǧer. Kraḍ igrawen n idurar tčuren iẓir is :
- deg ugafa, armi d ill, dɣa ar ugmuḍ, idurar ɛlayen iseklanen n Tmurt Iqbayliyen tagrakalt[1], i t-alin alamma d 1 278 m (tizi Tamgut), dɣa d Aqfadu i sebdeden tazzwara n Tamurt n Iqbayliyen Tamectuḥt ;
- deg unẓul, tazrart tifegist n Ǧerǧer, deg ugafa-amalu tella nnig aɣiz n Tacentirt-Iwaḍiyen, ar unẓul n aɣiz n Assif Abbas-Summam, i t-alin alamma d 2 308 m (Tamgut Aɛlayen, isem-is amaynut d Lalla Xediǧa), yugar tiqacuctin nniḍen[2] ;
- gar sin igrawen agi, sebdeden deg ugafa s usarigǧ n sebau, ar tama n Ǧerǧer deg unẓul-agmuḍ, gzeren s aṭas ibuḥcicen, idurar iqburen n Ugawa, win ugaren wiyeḍ s imezdaɣen, deg allal s 800 m n uwrir[3],[4]. Dinna i tella Tizi Uzzu (t-serseled di tallit n tahrest, semman as zik «taddart», ass-agi d tamdint tagejdit n Tamurt n Iqbayliyen Tameqqṛant) neɣ Larebɛa n At Yiraten, almmas amagam ugaren wiyeḍ nniḍen s uwrir deg tamnaṭ nni, ar tamudi 1 000 m n uwrir.
![Thumb image](http://upload.wikimedia.org/wikipedia/commons/thumb/c/c1/Mont_Tamgout.jpg/640px-Mont_Tamgout.jpg)
Akal n Tmurt n Iqbayliyen Tameqqṛant i ɣum ass-agi tanebdaḍt n Tizi Uzzu d uzgen n tin n Tubiret, t-ernad ilmmasen n Lexḍareyya, Qadireyya, Tubiret, Ḥizar, Beclul d Imceddalen dɣa, et tesebded s Aɣbalu d Ccerfa af tama n tanebdaḍt n Bgayet. Tinfalyin « Tamurt n Iqbayliyen Taɛlayant » neɣ « Tamurt n Iqbayliyen n Ǧerǧer » llant seqdacent aṭas am umegdu n « Tamurt n Iqbayliyen Tameqqṛant », tikwal daɣen i tama i llan deg unẓul n Sebau[5].