Aɣelnaẓri azzayri akked asertay From Wikipedia, the free encyclopedia
Saɛd Daḥlab ilul ass n 18 yebrir 1918 di Qṣer Cellala. Yemmut ass n 16 dujember 2000. D argaz asertay azzayri, yennuɣ ɣef uzarug n tmurt n Dzayer di ṭṭrad n uslelli aɣelnaw n 1954-1962.
![]() | |||
---|---|---|---|
![]() | |||
9 Ɣuct 1961 - 22 Yulyu 1962 ← Krim Belqasem - Muḥemmed Xmisti → | |||
Tameddurt | |||
Talalit | Qṣer Cellala, 18 Yebrir 1919 | ||
Taɣlent | Lezzayer | ||
Lmut | Lezzayer, 16 Duǧember 2000 | ||
Amahil | |||
Amahil |
asertay d diplomate (fr) ![]() | ||
Military service | |||
Yennuɣ deg | Tagrawla tazzayrit | ||
Taflest | |||
Ikabaren isertiyen | Akabar n Wegdud Azzayri |
Saɛd Daḥlab yeɣṛa di tesnawit Duveyrier di Blida (tasnawit Ibn Ṛucd tura) anda i yemlal akked waṭas n yimeɣnasen iɣelnaẓriyen, gar-asen : Ɛebban Ṛemḍan, Ɛli Bumenǧel, Lamin Debbaɣin, Mḥemmed Yazid akked Benyusef Benxedda.
Yella d ameɣnas deg ukabar Itri n Tefriqt Ugafa, Akabar n Wegdud Azzayri akked Amussu i Unalak n Tlelliyiin Timagdayin, yella daɣen d amaray n Miṣali Lḥaǧ.
Mi tenfa Fṛansa Miṣali Lḥaǧ ar tmurt n Kungu, netta gren-t ar lḥebs si 1945 armi d 1946 i d-yeffeɣ.
semman-t deg ugraw n ṣṣumam n ɣuct 1956 d amsalaḍ n Taseqqamut n Tenmiregt akked Usselkem akked Useqqamu Aɣelnaw n Tegrawla Tazzayrit akked Krim Belqasem,Ɛebban Ṛemḍan,Lɛerbi Ben Mhidi akked Benyusef Benxedda. D Netta akked Ɛebban Ṛemḍan i yellan deffir n usebded n weɣmis Lmuǧahid di 1956.
Di ɣuct 1957 deg temlilit n Useqqamu Aɣelnaw n Tegrawla Tazzayrit di tmurt n Maṣer yettwakkes seg Tseqqamut n Tenmiregt akked Usselkem.
Yuɣal d aneɣlaf n tɣawsiwin n wezɣer (beṛṛa) deg Unabaḍ Uɛḍil n Tegduda tazzayrit wis kraḍ, si 09 ɣuct 1961 armi 1962. Yekka deg wastugen n Ibyan akked udabu n Fransa. Attekki-yis deg wastugen-a yesɛa azal meqqṛen imi aẓar-is si sseḥra n Dzayer, acku Fṛansa tebɣa ad d-tefk azarug i lezzayer bla ṣṣeḥra.
Yemmut ass n 16 Dujember 2000, yemṭel di tjebbant n Sidi Yahya.Meḍlen ɣef yidis-is amdakel-is n tudert Benyusef Benxedda.
Semman fell-as taseddawit n Blida
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.