From Wikipedia, the free encyclopedia
At Yanni d isem n yiwet n tewsit (lɛerc) yettwassnen deg Tmurt n Leqbayel. Yella daɣen d isem n yiwet n temdint d tamezyant tuzga-d deg yidurar n ǧerǧer, deg twilayt n Tizi Wezzu.
Isem n "At Yanni" anamek-is "arraw n Yanni". "Yanni" d isem n ujaddiw ay seg d-ṣubben yimezwura yefkan isem-nsen i tewsit-a (lɛerc). Isem-agi, ɣef leḥsab n Mohand Akli Haddadou, yekka-d seg wemyag "ani", anamek-is "muqel" neɣ "wali". Amyag-a n tmaziɣt taqdimt mazal la yettuseqdac deg tmaheɣt n Uhaggar. Seqdacent daɣend id kra n tmiwa n tmurt leqbayel am Iwaḍiyen. Amedya : ad yili yiwen ur yeẓri ara sani iruḥ walbaɛḍ, m' ara s-inin. Ad yini : ah, ttaniɣ anida yerra! meḥsub lliɣ ttnadiɣ, neɣ seqsayeɣ iman-iw anida yedda.
Deg lɛerc n'At Weɣlis daɣen sseqdacen awal agi n "ani", ittani y as aqerru is ma llant tilkin, anamek is ittnadi deg weqerru is ma llant telkin. annay = anadi n telkin (puces) deg temnaṭṭ agi.
Seg-s ay d-yessuddem Dda Lmulud awal annay ("observation") akk d amanay ("observateur").
"Ani" yella diɣ deg teqbaylit u yesɛa anamek nniḍen deg tmaheɣt d tmaziɣt taqburt. Deg teqbaylit, "ani" anamek-is "nadi-d sumata , neɣ nadi ɣef telkin yellan deg ucebbub n walbaɛḍ". Zik, llan yigerdan ay yesɛan tilkin deg ucebbub-nsen, dɣa tettani-yasen yemma-tsen, tettnadi ɣef telkin sɛan deg ucebbub-nsen u tneqq-itent. Daɣen, deg tmaheɣt akk d tmaziɣt taqburt, ani anamek-is "ali ɣef uɣersiw, rkeb ɣef uɣersiw", seg wemyag-a ay d-yekka wawal amnay (anamek-is "win yettanin, win irekkben ɣef uɣersiw, ɣef wegmar-aɛewdiw"). Amyag a yettwasen ɣer icelḥiyen i seqdacen sni meḥsub rkeb aaudiw neɣ amerkub s umata. Da a nger tamawt dakken ula di teqbaylit amyag-a mazal it yedder. Amedya: sni tisegnit, meḥsub sɛeddid lxiḍ di tsegnit, serkeb lxiḍ. Sya ar da at tafeḍ daɣen tamɣart tesna asaɣur.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.