Túrkiya—Siriya jer silkiniwi (2023)
Turkiyadaǵı 2023-jıl 6-febralda júz bergen kúshli jer silkiniwi / From Wikipedia, the free encyclopedia
2023-jıl 6-fevral kúni Túrkiya qublasındaǵı Gaziantep qalası batısında jergilikli waqıt penen saat 04:17 de (UTC 01:17) kúshli jer silkiniw júz berip, Túrkiya hám Siriyada keń kólemli zıyanlarǵa sebep boldı. Maksimal Mercalli intensivligi kórsetkishinde IX (wayranlaytuǵın) hám 7,8 magnitudalı dep bahalanǵan usı jer silkiniw 1939-jılǵı Erzincan jer silkiniwi menen uqsas bolıp, Túrkiya tariyxında júz bergen eń kúshli jer silkiniw esaplanadı. 1668-jılǵı arqa Anatoliya jer silkiniwi de kúshli bolǵanlıǵı belgilengen. Bul jer silkiniw, sonday-aq, 1999-jılǵı Izmit jer silkiniwinen keyin mámlekette júz bergen eń qáweterli jer silkiniw sanaladı.
Jer silkiniwden keyin kóplegen aftershoklar júz berip, olardan eń kúshlisi 7,5 magnitudaǵa teń boldı. Ekinshi jer silkiniw 9 saattan keyin, Qahramanmaraş wálayatınıń Eginözü qalasınan 4 km (2,5 milya) qubla-shıǵısta Túrkiya waqtı menen saat 13:24 te (UTC 10:24) júz berdi. Keyingi jer silkiniwdiń maksimal Mercalli intensivligi IX hám magnitudası 7,5 edi. Jer silkiniwler nátiyjesinde 4,300 den artıq adam qaytıs boldı, 19,300 den artıq adam jaradar boldı.