Saudiya Arabstanı, (Saudiya Arabstanı Korolligi) Saudiya Arabstanı Korolligi (Al-Mamlaka al-Arabiya as-Saudiya) — Aziyanıń qubla-batısında jaylasqan mámleket. BMSh aǵzası bolǵan bul mámleket Arabstan yarım atawınıń shama menen 2/3 bólimin hám Qızıl teńiz hám de Parsı qoltıǵındaǵı qatar jaǵa boyındaǵı atawlardı iyeleydi. Maydanı 2,25 million km². Xalqı — 34 218 169 adam (2019). Bulardan 5,3 million adam mámleket puqarası esaplanbaydı. Paytaxtı Ar-Riyod qalası. Basqarıw jaǵınan 14 wálayatqa bólinedi.