From Wikipedia, the free encyclopedia
Tuwılǵan sánesi | 28-sentyabr 1974 (49 jasta) |
---|
Mariya Aleksandrovna Kiseleva (1974-jıl 28 sentyabrde tuwılǵan, Kuybishev) — rossiyalıq sinxron júziwshi, úsh márte Olimpiya chempionı, úsh márte jáhán chempioni, toǵız márte Evropa chempioni, xızmet kórsetken sport ustası (2000), telebaslawshı hám aktrisa. Moskva qalası dumasi 7-shaqırıq deputatı (2019-2024).
Ol 3 jasında júziwdi baslaǵan, hátteki ata-anası onı tek ulıwma fizikalıq rawajlanıw bólimine jazǵan bolsa da, professional sport haqqıda oylamaǵan. Trener Elena Polyanskayanıń shákirti.
Ol Moskvanıń Yasenevo rayonında jasaǵan. 1996-jılda M.V.Lomonosov atındaǵı Moskva mámleketlik universitetiniń jurnalistika fakultetine oqıwǵa kirdi, onı 2002-jılda tamamlaǵan.
Úsh márte Olimpiya chempioni (Olga Brusnikina menen birge), úsh márte jáhán chempionı, toǵız márte Evropa chempionı, Jáhán hám Evropa kuboklarınıń kóp márte jeńimpazı, 1998-jılda xayrixohlik oyınları jeńimpazı, Rossiyanıń kóp márte chempionı.
Ol 2001-jılda Aleksey Burkov usınısına tiykarlanıp «НТВ» telekanalındaǵı sport redakciyasında televideniede jumıs isley basladı. 2001-2002-jıllarda ol «НТВ» telekanalınıń «Сегодня» dástúrinde sport jańalıqların alıp bardı. Jáne de sol dáwirde ol «НТВ-Плюс» sport kanalında hám «НТВ» da «Сегодня» va «Намедни» dástúrlerinde korrespondent bolıp islegen. 2002-jıl may ayında ol «НТВ» telekanalınan shıǵıp ketedi, sebebi sol waqıtta eski sport kommentatorlar kanalǵa qayttı.
2001-jıl 25-sentyabrden 2005-jıl 2-iyulǵa shekem ol óziniń sport karerası menen bir waqıtta «Первый канал» telekanalında «Слабое звено» teleoyınınıń baslawshısı bolǵan. Ol bul tarawda eki ataq aldı — «Самая стильная телеведущая» hám «Дебют года» (2001).
2002-jıl 23-dekabrde «Кто хочет стать миллионером?» teleoyınınıń bir Jańa jıl sanı bolıp ótti. Maksim Galkin ornına sol jıldıń 30-dekabrinde «Поле чудес» teleoyınınń birinshi basqıshı bolıp ótti hám xatlardı Leonid Yakubovich ashtı.
2000-jıllardıń basında hám ortalarında ol «Первый канал» kanalındaǵı Sport dástúrleri direkciyasında sport kommemtatorı bolıp islegen. Sport jurnalisti sıpatında Mariya Kiseleva 2002-jılǵı suw sportı boyınsha Evropa chempionatı, 2006-jılǵı Olimpiya oyınları (Турин) hám 2016-jıl (Рио-де-Жанейро) da telekanal komandaları quramında islegen.
2006-jıldıń gúzinde ol figuralıq ushıwshı Maksim Marinin menen birgelikte «Первый канал» daǵı «Звёзды на льду» televzion joybarında qatnastı.
2008-jıl 10-noyabrden 2009-jıl 31-mayǵa shekem ol «НТВ» da, keyinirek «Спорт» telekanalında Pútkil Rossiya «Гослото» lotereyasınıń baslawshısı bolǵan.
2015-jıl 3-oktyabrden 7-noyabrǵa shekem ol Valdis Pelsh penen birgelikte «Первый канал» da «Вместе с дельфинами» telekórsetiwin alıp bardı.
Ol Vladimir Bortkonıń F.M.Dostoevskiy romanı tiykarında súwretke alınǵan «Идиот» serialında Varya Ivolgina rolin oynaydı. Bir neshe márte reklama roliklerinde súwretke túsken.
2020-jıl 14-fevraldan baslap ol derlik 15 jıllıq tánepisten soń jáne «Мир» telekanalında «Слабое звено» oyınınıń baslawshısına aylandı.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.