From Wikipedia, the free encyclopedia
Hasanboy Dósmatov Marufjon ulı (ózbekshe Do'stmatov Xasanboy Marufjon ulı; 1993-yil 24-iyun, Andijan wálayatı,Ózbekstan)- birinshi salmaq kategoriyasındaǵı (49 kg) ózbek professional boksshısı. 2016-jıl Olimpiada chempionı, Jáhán chempionı (2023-jıl),Jáhán chempionati gúmis medalı iyesi (2017-jıl ), Aziya oyınları gúmis medalı iyesi (2018 jıl ), úsh márte Aziya chempionı (2015, 2017, 2022), Universiada jeńimpazı (2013). 2016-jıl Val Barker kubogı jeńimpazı[1]. 2013-2014-jıllarda boks boyınsha Ukrainanıń «Ukraina atamanları» yarım professional jámááti aǵzası bolǵan. Professionallar arasında 1-awır salmaq kategoriyasında ámeldegi WBA International chempionı. Ózgeshe ótken final bellesiwi 2016-jıl 14-avgustta Yuberxen Martinesqa qarsı bolǵan hám Hasanboy jeńimpazlıqtı qolǵa kirgizgen[2]. Aiba nátiyjelerine qaraǵanda (17.02.2016) 11-shi orındı iyelegen[3].
Hasanboy Doʻstmatov 1993-jıl 24-iyunda
Ándijan wálayatında tuwılǵan.Trineri Ziyawatdinbek Toyǵonboyev.
Dóstmatov 2009-jılda Qazaqstan Respublikası chempionı F.Shonazarov esteligine arnalǵan xalıq aralıq turnirda birinshi orındı iyelep, óziniń dáslepki úlken tabısına eristi. 2011-jılda 49 kilogramǵa shekem bolǵan salmaq kategoriyasında jaslar arasındaǵı mámleket chempionatında jeńimpazlıqtı qolǵa kirgizdi.
2013-jılda Almatıda ótkerilgen AIBA jáhán chempionatında toǵızınshı orın boldı. 2014-jılda Ukrainalıq boksshılar quramında Rossiyalıq David Ayrapetyanǵa qarsı sherek finalda jeńip shıqtı. Sol jılı Ózbekstan milliy chempionatında ekinshi, Incheondagi Aziya oyınlarında jetinshi orındı iyeledi. 2015-jılda Pútkil dúnya boks seriyasında 7 ushırasıw ótkerip, barlıq jeti ushırasıwında jeńip shıqqan.
2016-jıl 17-fevraldaǵı AIBA reytinginde 11-orındı iyelegen[4].
2019-jıldıń 16-noyabr kúni Dóstmatov professional ringda Meksikalıq Jesus Cervantes Villanuevaǵa qarsı shıqtı. Dóstmatov ekinshi raundda Villanuevaǵa shep qolı menen soqqı berip, nokautqa ushırattı hám jeńiske eristi[6].Debyutınan bir jıl ótip, Dóstmatov 2020-jıldıń 24-dekabr kúni Odiljon Satqınovqa qarsı professional boksshı retindegi ekinshi ushırasıwın ótkerdi. Dóstmatov ushırasıwdıń basınan-aq ústinlik etti hám birinshi raundtıń ózinde qarsılasın tórt ret nokautqa ushıratıp jeńdi[7][8].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.