From Wikipedia, the free encyclopedia
ხიბინები (რუს. Хибины; საამების ენაზე „ხიბინ“ — მთები) — ინტრუზიული მთის მასივი კოლის ნახევარკუნძულზე. სიმაღლე 1200,6 მ-მდე (მთა იუდიჩვუმჩორი). აგებულია ნეფელინიანი სიენიტებით, რომელთანაც დაკავშირებულია აპატიტ-ნეფელინიანი მადნის მდნარი საბადოები, მათ შორის: კუკისვუმჩორი, იუქსპორი, რასვუმჩორი და სხვა. ხიბინებში ამჟამად გამოვლინებულია დაახლოებით 500 მინერალი. მწვერვალები პლატოსებრია, კალთები — ციცაბო. არის თოვლის ლაქები და მყინვარები. ხშირია ზვავები. პოლარული ღამე 42 დღე გრძელდება. ზაფხული ხანმოკლეა. ხეობებში წლიურად 600-700 მმ ნალექი მოდის, ხოლო პლატოებზე 1600 მმ წელიწადში. მრავალფეროვანია ფლორა და ფაუნა. გაბატონებულია მთის ტუნდრა. კალთების ქვედა ნაწილში ტანბრეცილი არყის ტყეტუნდრა, ნაძვნარ- და ფიჭვნარ-არყნარებია. მთა ვუდიევრჩორზე მსოფლიოში ერთადერთი პოლარულ-ალპური ბოტანიკური ბაღია. ხიბინების მთისძირში არის ქალაქები აპატიტი და კიროვსკი.
ხიბინები | |
---|---|
ხიბინები | |
კოორდინატები: 67°44′05″ ჩ. გ. 33°43′34″ ა. გ. | |
ქვეყანა | რუსეთი |
უმაღლესი წერტილი | იუდიჩვუმჩორი |
სიმაღლე | 1200,6 მ |
ფართობი | 1300 კმ² |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.