ჩაიანტის პროვინცია

ჩაიანტის პროვინცია (ესპ. Provincia de Chayanta) — პროვინცია ბოლივიაში, პოტოსის დეპარტამენტის ჩრდილოეთ ნაწილში. დედაქალაქია კოლკეჩაკა.

პროვინცია
ჩაიანტის პროვინცია Provincia de Chayanta
ქვეყანა	ბოლივია
კოორდინატები	18°26′00″ ს. გ. 65°31′00″ დ. გ.
ფართობი	4 969 კმ²
სალაპარაკო ენები	ესპანური, აიმარა, კეჩუა
მოსახლეობა	90 205 კაცი (2001)
სიმჭიდროვე	18,2 კაცი/კმ²
სასაათო სარტყელი	UTCGMT -4
ჩაიანტის პროვინცია ვიკისაწყობში

ჩაიანტა ერთ-ერთია პოტოსის დეპარტამენტის თექვსმეტი პროვინციიდან. დასავლეთით ესაზღვრება ორუროს დეპარტამენტი, აღმოსავლეთით — ჩუკისაკის დეპარტამენტი. ჩრდილოეთიდან სამხრეთისკენ გადაჭიმულია 100 კმ-ზე, აღმოსავლეთიდან დასავლეთისკენ 125 კმ-ზე, ხოლო მთლიანი ფართობი 4 969 კმ²-ს შეადგენს.

მოსახლეობა

პოტოსის დეპარტამენტის პროვინციები

ოკური

• 1992 წლის აღწერისას, მოსახლეობა 73 128 ადამიანს შეადგენდა, 2001 წელს კი 90 205-ს, ანუ ადგილი ჰქონდა 23,4%-იან ზრდას.
• 33% ლაპარაკობს ესპანურად, 79% კეჩუაზე.
• მოსახლეობის 97 %-ს არ აქვს ელექტროენერგია.
• 74% დასაქმებულია სასოფლო-სამეურნეო სფეროში, 1% მაღაროებში, 13% მრეწველობაში, 12% მომსახურების სფეროში (2001).
• მორწმუნეთა 93% კათოლიკეა, 5% პროტესტანტი.

მოსახლეობის ძირითადი ნაწილი კეჩუასა და აიმარას შთამომავლები არიან.

დაყოფა

პროვინცია შედგება ოთხი მუნიციპალიტეტისაგან, რომლებიც თავის მხრივ კანტონებად იყოფა.

ისტორია

XVIII საუკუნის ბოლოს, პროვინციაში მიმდინარეობდა აიმარაზე მოლაპარაკე მოსახლეობის აჯანყება ტომას კატარის ხელმძღვანელობით, რაც კიდევ უფრო გამწვავდა 1781 წელს მისი მკვლელობის შემდეგ. 1927 წელს ასევე განხორციელდა გლეხთა ამბოხი.

იხილეთ აგრეთვე

• ბოლივიის პროვინციები

რესურსები ინტერნეტში

• Population data (Spanish) დაარქივებული 2009-10-27 საიტზე Wayback Machine.

18°44′ ს. გ. 65°51′ დ. გ.

ლიტერატურა

• Sergio Serulnikov, Subverting Colonial Authority: Challenges to Spanish Rule in Eighteenth-Century Southern Andes (Durham: Duke University Press, 2003)
• Sergio Serulnikov, Tomás Catari y la producción de justicia (Buenos Aires: CEDES, 1988)
• Erick D. Langer, "Andean Rituals of Revolt: The Chayanta Rebellion of 1927," Ethnohistory 37(1990): 227–53
• Tristan Platt, Estado boliviano y ayllu andino: tierra y tributo en el norte de Potosi (Lima: Instituto de Estudios Peruanos, 1982)