From Wikipedia, the free encyclopedia
შარლ ფერდინანდ დე ბურბონი (ფრანგ. Charles Ferdinand de Bourbon; დ. 24 იანვარი, 1778 — გ. 14 თებერვალი, 1820) — ბურბონთა დინასტიის წარმომადგენელი. საფრანგეთის მეფე შარლ X-ისა და მისი ცოლის, მარია ტერეზა სავოიელის უმცროსი ვაჟი. საფრანგეთის რევოლუციის გამო ცხოვრების დიდი ნაწილი დევნილობაში გაატარა. 1820 წელს კი პარიზის ოპერასთან ამბოხებულმა ბონაპარტისტებმა იგი ეტლიდან გადმოათრიეს და მოკლეს, ამ ამბიდან ათი წლის შემდეგ კი მისი ვაჟი შვიდი დღით გახდა საფრანგეთის მეფე.
შარლ ფერდინანდ დე ბურბონი | |
---|---|
![]() | |
დაბადების თარიღი |
24 იანვარი, 1778 ვერსალი, საფრანგეთი |
გარდაცვალების თარიღი |
14 თებერვალი, 1820, (42 წლის) პარიზი, საფრანგეთი |
ეროვნება | ფრანგები |
წოდება | ბერის ჰერცოგი |
რელიგია | კათოლიციზმი |
მეუღლე(ები) | მარია კაროლინა სიცილიელი |
შვილ(ებ)ი |
ლუიზ მარი ტერეზი, პარმის ჰერცოგინია ანრი, შამბორის ჰერცოგი |
მშობლები |
მამა: შარლ X, საფრანგეთის მეფე დედა: მარია ტერეზა სავოიელი |
შარლ ფერდინანდი დაიბადა 1778 წლის 24 იანვარს ვერსალის სამეფო სასახლეში. მას დაბადებისთანავე მიენიჭა ბერის ჰერცოგის წოდება. იგი იყო საფრანგეთის მეფე ლუი XVI-ის უმცროსი ძმის, არტუას გრაფ შარლ ფილიპისა და მისი ცოლის, გრაფინია მარია ტერეზა სავოიელის პირველი შვილი. დაბადებისთანავე ლუი ანტუანს მიენიჭა ანგულემის ჰერცოგის წოდება. მამის მხრიდან ბებია-ბაბუად ერგებოდნენ საფრანგეთის მეფე ლუი XV-ის ვაჟი, საფრანგეთის დოფინი ლუი დე ბურბონი და მისი მეორე ცოლი მარია ჟოზეფა საქსონიელი, ხოლო დედის მხრიდან სარდინიის მეფე ვიტორიო ამადეო III და მისი ცოლი, ესპანეთის მეფე ფილიპე V-ის ნაბოლარა ასული მარია ანტონია ესპანელი.
1789 წელს საფრანგეთის რევოლუციის დაწყებასთან ერთად შარლ ფერდინანდი თავის მშობლებთან და ძმასთან ერთად ჯერ სავოიაში, შემდეგ ვესტფალიაში, ბოლოს კი ინგლისში გაიქცა. 1796 წელს თავის ბიძაშვილთან, კონდეს პრინც ლუი ჟოზეფთან ერთად იგი მონაწილეობდა რაინის კამპანიაში, სადაც მან თავი გამოიჩინა ემენდინგენისა და სკლინგენის ბრძოლებში. ამის შემდეგ იგი რამდენიმე წლით გაწევრიანდა რუსეთის საიმპერატორო არმიაში, 1801 წელს კი ოჯახთან ერთად დატოვა რუსეთი და ინგლისში გადასახლდა, სადაც იგი შემდგომი ცამეტი წელი ცხოვრობდა.
1814 წელს საფრანგეთში ბურბონთა დინასტიის რესტავრაცია განხორციელდა, რის შემდეგაც იგი სამშობლოში დაბრუნდა. მას შემდეგ რაც 1815 წელს ნაპოლეონმა ტახტი დაიბრუნა, შარლ ფერდინანდი იტალიაში, კუნძულ ელბაზე გაიქცა, თუმცა ნაპოლეონის დამხობის შემდეგ კვლავ საფრანგეთში დაბრუნდა. 1816 წლის 17 ივნისს ცოლად შეირთო ნეაპოლისა და სიცილიის მეფე ფრანჩესკო I-ისა და დედოფალ მარია კლემენტინა ავსტრიელის უფროსი, თავისი სილამაზით სახელგანთქმული ასული მარია კაროლინა.
1820 წლის 14 თებერვალს, პარიზის ოპერიდან ცოლთან ერთად სასახლეში ეტლით მიმავალი ბერის ჰერცოგი ბონაპარტისტებმა იძულებით გადაათრიეს ეტლიდან და სასტიკად მოკლეს 42 წლის ასაკში. ყველასდა გასაკვირად მკვლელებმა შარლ ფერდინანდის ცოლი უვნებლად გაუშვეს, თუმცა მისი გვამი არ გაატანეს და პარიზის ქუჩაში დააგდეს. იგი სულ რამდენიმე დღეში დაკრძალეს პარიზის საკათედრო ტაძარში.
ბერის ჰერცოგს თავის ცოლ მარია კაროლინა სიცილიელთან ჰყავდა ოთხი შვილი:
ბერის ჰერცოგს სხვადასხვა საყვარლისაგან ჰყავდა უამრავი უკანონო შვილი:
აღსანიშნავია, რომ მისი ოთხი შვილი: შამბორის გრაფი ანრი დე ბურბონი, ფერდინანდ ორიელი, შარლ დე ლა როში და ალიქს მელანი დე სენ-აგე, მისი გარდაცვალების შემდეგ დაიბადნენ.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.