ფრთამატყლიანები

ფრთამატყლიანები (ლათ. Dermoptera) — ძუძუმწოვრების რიგი. მათი სხეულის სიგრძე 40 სმ, კუდისა დაახლოებით — 25 სმ, მასა 1—1,7 კგ აღწევს. სხეული და საფრენი აპკი, რომელიც ერთმანეთთან აკავშირებს კისერს, კიდურებს და კუდს, დაფარული აქვთ რბილი და ხშირი ბალნით. გავრცელებული არიან ფილიპინებზე, სამხრეთ ინდოჩინეთში და მალაის არქიპელაგის კუნძულებზე; ტყის მეხეური ცხოველებია. აქტიური არიან ღამით. იკვებებიან მცენარეულობით (ფოთლები, კვირტები, ნაყოფები). მაკეობა 60 დღე-ღამემდე გრძელდება. შობენ 1, იშვიათად 2 ნაშიერს. რიგში 2 გვარის 2 სახეობაა: ფილიპინური ფრთამატყლიანა (ლათ. Cynocephalus volans) და მალაიური ფრთამატყლიანა (ლათ. Galeopterus variegates). ზოგ კუნძულებზე ფრთამატყლიანები ნადირობის ობიექტია. იყენებენ ხორცსა და ტყავს.

ფრთამატყლიანები
მალაიური ფრთამატყლიანა
მეცნიერული კლასიფიკაცია
სამეფო:  ცხოველები ტიპი:  ქორდიანები კლასი:  ძუძუმწოვრები
ლათინური სახელი
Dermoptera
გავრცელება
მალაიური ფრთამატყლიანა   ფილიპინური ფრთამატყლიანა
სისტემატიკა ვიკისახეობებში სურათები ვიკისაწყობში ITIS   179984 NCBI   30656 EOL   7623 FW   40310

ლიტერატურა

• ქართული საბჭოთა ენციკლოპედია, ტ. 10, თბ., 1986. — გვ. 400.