From Wikipedia, the free encyclopedia
ამერიკული ანიმაციური ტელესერიალ „სიმფსონების“ პირველი სეზონი ეთერში გადიოდა 1989 წლის 17 დეკემბრიდან 1990 წლის 13 მაისამდე. მისი ეპიზოდია „Simpsons Roasting on an Open Fire“. შოუზე პირველივე სერიებიდან მუშაობდნენ მეტ გრენინგი, ჯეიმზ ლ. ბრუქსი და სემ საიმონი.[1]
თავდაპირველად დაგეგმილი იყო პირველი ეპიზოდის სახით "Some Enchanted Evening"-ს ჩვენება, ვინაიდან პერსონაჟების წარდგენა ამ ეპიზოდით ხდებოდა.[2] მაგრამ პროდიუსერებმა პირველი გადახედვისას აღმოაჩინეს, რომ მისი 70% შესაცვლელია.[3] მათ დაგეგმეს სერიალის შეწყვეტა იმ შემთხვევაში, თუ შემდეგი ეპიზოდი ასეთივე უხარისხო აღმოჩნდება. თუმცა, მასში დაშვებული შეცდომები გამოსწორებადი იყო. კომპანია Fox-მა დებიუტის თარიღი 17 სექტემბერს გადაიტანა. "Simpsons Roasting on an Open Fire" წარდგენილი იქნა, როგორც სერიალის პირველი ეპიზოდი[2]
ამ სეზონმა ემის გადაცემის ცერემონიაზე ორი პრემია დაიმსახურა, ისევე როგორც ოთხი დამატებითი ნომინაცია. მიუხედავად იმისა, რომ სატელევიზიო შოუების შემთხვევაში დასაშვებია მხოლოდ ერთი ეპიზოდის წარდგენა, ნომინირებული იქნა როგორც "Simpsons Roasting on an Open Fire", ასევე "Life on the Fast Lane". "Simpsons Roasting on an Open Fire" წარდგენილი იყო ’მინისერიალის საუკეთესო მონტაჟის’, ხოლო "The Call of the Simpsons" - ’საუკეთესო ინდივიდუალურ მიღწევაში კომედიური სერიალის ან სპეციალური ეპიზოდის ხმის მიქსის სფეროს’ კატეგორიაში. დენი ელფმანის მიერ შექმნილი სერიალის მთავარი მუსიკალური თემა ’საუკეთესო თემატური მუსიკის’ კატეგორიაში იყო ნომინირებული.[4]
DVD გამოცემა გაყიდვაში გამოვიდა 2001 წლის 25 სექტემბერს (რეგიონი 1) და 2001 წლის 24 სექტემბერს (რეგიონი 2 და 4).
# ჯამში | # სეზონში | სახელწოდება | რეჟისორი | სცენარის ავტორი | ორიგინალური ეთერის თარიღი | წარმ. კოდი |
---|---|---|---|---|---|---|
1 | 1 | „Simpsons Roasting on an Open Fire“ | დევიდ სილვერმანი | მიმი პონდი | 17 დეკემბერი, 1989 | 7G08 |
საშობაო საყიდლებზე ყოფნისას ბარტი გაიპარება და ტატუს გაიკეთებს. მარჯი ამის შესახებ მალევე გაიგებს და ოჯახის დანაზოგს ტატუს მოსაშორებლად დახარჯავს. ამასობაში ჰომერი იგებს, რომ მისტერ ბერნსი საშობაო ბონუსებს არ არიგებს, რის შედეგადაც ოჯახს საჩუქრების შესაძენად ფული არ აქვს. ის გადაწყვეტს, რომ ფინანსური პრობლემა საიდუმლოდ შეინახოს და სავაჭრო ცენტრის სანტად დაიწყებს მუშაობას, თუმცა აღმოაჩენს, რომ ხელფასი საკმაოდ მცირეა. სასოწარკვეთილ ჰომერს მხოლოდ სასწაულის იმედი აქვს. ის და ბარტი ძაღლების რბოლაზე წავლენ იმ იმედით, რომ მცირეოდენ ფულს მაინც გამოიმუშავებენ. ჰომერი სანტას სამსახურში გამომუშავებულ თანხას ჩამოდებს ძაღლზე, სახელად სანტას პატარა დამხმარე, თუმცა იგი რბოლაში დამარცხდება. ძაღლის პატრონი, რომელსაც ყელში ამოუვიდა მისი გაუთავებელი წარუმატებლობა, სანტას პატარა დამხმარეს აგდებს. ჰომერი ბარტს მისი აყვანის ნებას რთავს. მოგვიანებით ჰომერი ცდილობს, სიმართლეში ყველას გამოუტყდეს, თუმცა ბარტი წამოიძახებს, რომ ძაღლი ჰყავთ და სიმფსონების ოჯახის ახალ წევრს ყველა მხიარულად ეგებება. | ||||||
2 | 2 | „Bart the Genius“ | დევიდ სილვერმანი | ჯონ ვიტი | 14 იანვარი, 1990 | 7G02 |
ბარტს ინტელექტის ტესტის დაწერა უჭირს და საკუთარს მარტინის, კლასის გენიოსის, ტესტში ჩუმად გადაცვლის. როცა შედეგები ცნობილი გახდება, სკოლის ფსიქოლოგი ბარტს გენიოსად გამოაცხადებს და მას ნიჭიერი ბავშვების გაძლიერებული სწავლების ცენტრში გაგზავნის. ჰომერი ბარტს პატივისცემით ეპყრობა. მალევე ბარტი ახალ კლასელებს შორის თავს ზედმეტად იგრძნობს, ხოლო მისი ძველი მეგობრები მას გაუუცხოვდნენ. ბარტი აღიარებს, რომ ტესტში ითაღლითა და შედეგად მას სპრინგფილდის დაწყებით სკოლაში აბრუნებენ. შენიშვნა: ამ ეპიზოდში პირველად ჩნდება ედნა კრაბეპლი. | ||||||
3 | 3 | „Homer's Odyssey“ | უეს არჩერი | ჯეი კოგენი და უოლეს ვოლოდარსკი | 21 იანვარი, 1990 | 7G03 |
ბარტის კლასი სპრინგფილდის ბირთვული ქარხნის დასათვალიერებლად მიდის, სადაც ჰომერი, რომელიც ცდილობს, რომ მუშაობით დაკავებული გამოჩნდეს, ურიკით რადიოაქტიურ მილს დაეჯახება, რის გამოც მას სამსახურიდან აგდებენ. ახალი სამსახურის პოვნის წარუმატებელი მცდელობის შემდეგ, იგი დეპრესიაში ჩავარდება და ხიდიდან გადახტომით თავის მოკვლას გადაწყვეტს. მისი ოჯახი ამ გეგმის შესახებ მალევე გაიგებს და მის შეჩერებას შეეცდება, რა დროსაც მათ სატვირთო ავტომობილი კინაღამ ეჯახება. თავისი ახალი მიზნის აღმოჩენის შემდეგ, ჰომერი უსაფრთხოების მოძრაობას წამოიწყებს და გადაწყვეტს, ბირთვული ქარხნის წინააღმდეგ პროტესტები გამართოს. ჰომერისა და მისი ბრბოს შესაჩერებლად, მისტერ ბერნსი მას უსაფრთხოების ინსპექტორის სამსახურს შესთავაზებს მომატებული ხელფასით, რაზეც ჰომერი თანხმდება. | ||||||
4 | 4 | „There's No Disgrace Like Home“ | გრეგ ვენზო და კენტ ბატერუორთი | ელ ჯინი და მაიკ რაისი | 28 იანვარი, 1990 | 7G04 |
ჰომერი თავის ოჯახს მისტერ ბერნსის მამულში გამართულ პიკნიკზე წაიყვანს. მარჯი, ბარტი და ლიზა მას შეარცხვენენ. ჰომერი შენიშნავს, რომ მისტერ ბერნსი ურთიერთმოსიყვარულე და პატივისცემის მქონე ოჯახებს ანიჭებს უპირატესობას, რის შემდეგაც დარწმუნდება, რომ ის და მისი ოჯახი ამისგან შორს არიან, ამის გამო კი მათ ოჯახურ თერაპიაზე წაიყვანს. როცა სტანდარტული მეთოდი მათ ცივილურს ვერ ხდის, ექიმი ელექტროშოკის თერაპიას მიმართავს. სიმფსონები კონტროლიდან მალევე გამოდიან, რის შედეგადაც ელექტრო-ენერგია მთელ ქალაქში ითიშება. | ||||||
5 | 5 | „Bart the General“ | დევიდ სილვერმანი | ჯონ სუორცუელდერი | 4 თებერვალი, 1990 | 7G05 |
ნელსონ მანცი, რომელიც სკოლაში ბავშვებს გამუდმებით ჩაგრავს, ბარტს სკოლის შემდეგ ყოველდღე ესხმის თავს. ჰომერი ბარტს ურჩევს, რომ ნელსონს დაუპირისპირდეს, თუმცა ეს არ გაჭრის. სასოწარკვეთილი ბარტი რჩევისთვის ბაბუას მიმართავს. ბაბუა ბარტს ჰერმანთან მიიყვანს, რომელიც მას სკოლის ბავშვების შემოკრებასა და ნელსონისთვის ომის გამოცხადებას შესთავაზებს. ბარტი და მისი ჯარი წარმატებით ახერხებენ ნელსონის დარწმუნებას, რომ ბავშვების ჩაგვრა შეწყვიტოს. | ||||||
6 | 6 | „Moaning Lisa“ | უეს არჩერი | ელ ჯინი და მაიკ რაისი | 11 თებერვალი, 1990 | 7G06 |
დეპრესიისას ლიზა გაიცნობს საქსოფონისტ მერფის. | ||||||
7 | 7 | „The Call of the Simpsons“ | უეს არჩერი | ჯონ სუორცუელდერი | 18 თებერვალი, 1990 | 7G09 |
პიკნიკზე მეგი იკარგება დათვებთან, ხოლო ჰომერი ყველას ჰგონია ბიგფუტი. | ||||||
8 | 8 | „The Telltale Head“ | რიჩ მური | ელ ჯინი, მაიკ რაისი, სემ საიმონი და მეტ გრენინგი | 25 თებერვალი, 1990 | 7G07 |
სპრინგფილდში ცნობილი ხულიგნების აღიარების მოსაპოვებლად ბარტი იპარავს ჯებედაია სპრინგფილდის ძეგლის თავს. | ||||||
9 | 9 | „Life on the Fast Lane“ | დევიდ სილვერმანი | ჯონ სუორცუელდერი | 18 მარტი, 1990 | 7G11 |
ჰომერი ივიწყებს მარჯის დაბადების დღეს, ხოლო მარჯს გაიცნობს მამაკაცი, რომელსაც იგი შეუყვარდება. | ||||||
10 | 10 | „Homer's Night Out“ | რიჩ მური | ჯონ ვიტი | 25 მარტი, 1990 | 7G10 |
ბარტი ყიდულობს მომცრო ზომის ფოტოაპარატს და იღებს მეტად სკანდალურ ფოტოებს. | ||||||
11 | 11 | „The Crepes of Wrath“ | უეს არჩერი და მილტონ გრეი | ჯორჯ მაიერი, სემ საიმონი, ჯონ სუორცუელდერი და ჯონ ვიტი | 15 აპრილი, 1990 | 7G13 |
გაცვლითი პროგრამის ფარგლებში ბარტს აგზავნიან საფრანგეთში, თუმცა იგი მოხვდება ორ ბოროტმოქმედთან, რომლებიც ხარშავენ ღვინოს ანტიფრიზის დამატებით. ხოლო სიმფსონებს ეწვევა ალბანელი ბიჭუნა ადილი, რომელიც ჯაშუში აღმოჩნდება. შენიშვნა: ეს არის პირველი ეპიზოდი აგნეს სკინერის მონაწილეობით. | ||||||
12 | 12 | „Krusty Gets Busted“ | ბრედ ბერდი | ჯეი კოგენი და უოლეს ვოლოდარსკი | 29 აპრილი, 1990 | 7G12 |
ჯამბაზ კრასტის აბრალებენ სუპერმარკეტში ქურდობას. ბარტი დარწმუნებულია, რომ იგი უდანაშაულოა. შენიშვნა: აქ პირველად ჩნდება კენტ ბროკმენი. | ||||||
13 | 13 | „Some Enchanted Evening“ | დევიდ სილვერმანი და კენტ ბატერუორთი | მეტ გრენინგი და სემ საიმონი | 13 მაისი, 1990 | 7G01 |
სანამ მშობლები შინ არ არიან, ბავშვებთან რჩება მომვლელი, რომელიც აღმოჩნდება ცნობილი ქურდი. |
სრული პირველი სეზონი | |||
დეტალები[5][6] | დამატებები[5][6] | ||
| |||
გამოცემის თარიღები | |||
რეგიონი 1 | რეგიონი 2 | რეგიონი 4 | |
25 სექტემბერი, 2001 | 24 სექტემბერი, 2001 | 24 სექტემბერი, 2001 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.