![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/fb/Jezerski_Vrh_%25282694%2529_sa_Karanfila_%25282480%2529.jpg/640px-Jezerski_Vrh_%25282694%2529_sa_Karanfila_%25282480%2529.jpg&w=640&q=50)
პროკლეტიე
From Wikipedia, the free encyclopedia
პროკლეტიე, ჩრდილოეთ ალბანეთის ალპები (ალბ. Bjeshkët e Nemuna, ჩერნოგ. Проклетије, სერბ. Проклетије) — ქედი ბალკანეთის ნახევარკუნძულზე, დინარის მთიანეთის სამხრეთ ნაწილში. განფენილია მონტენეგროს, ალბანეთისა და სერბეთის ტერიტორიებზე. სიგრძე დასავლეთიდან აღმოსავლეთისაკენ დაახლოებით 100 კმ. სიმაღლე 2694 მ-მდე (მთა ეზერცა). აგებულია კირქვებით, დოლომიტებითა და ფიქლებით. არის რელიეფის კარსტული ფორმები. ქედი ძლიერაა დანაწევრებული მდინარე დრინის შენაკადებით. შემოსილა მუხის, წიფლის, ფიჭვისა და ნაძვის ტყეებით. 1700-1800 მ-ზე ზევით არის მთის მდელოები და თოვლნარი. 2009 წელს, პროკლეტიეზე 1980-2440 მ სიმაღლეზე მიაკვლიეს 4 მყინვარს, რომლებიც ჩრდილო-აღმოსავლეთ ექსპოზიციის ღრმა კარებში არიან განლაგებული.
სწრაფი ფაქტები პროკლეტიე ...
პროკლეტიე | |
---|---|
![]() | |
კოორდინატები: 42°26′30″ ჩ. გ. 19°48′45″ ა. გ. | |
ქვეყანა | ![]() ![]() ![]() |
უმაღლესი წერტილი | ეზერცა |
სიმაღლე | 2694 მ |
სიგრძე | 100 კმ |
დახურვა