პიეტრო პერუჯინო (იტალ. Pietro Perugino, სრული სახელი პიეტრო დი კრისტოფორო ვანუჩი - Pietro di Cristoforo Vannucci; დ. 1446 — გ. 1524) — იტალიელი მხატვარი რენესანსის ეპოქაში, უმბრიის სკოლის წარმომადგენელი.
| პიეტრო პერუჯინო | |
|---|---|
 პერუჯინოს ავტოპორტრეტი 1497–1500 | |
| სრული სახელი | პიეტრო დი კრისტოფორო ვანუჩი |
| დაიბადა | 1446 |
| დაბადების ადგილი |
 იტალია, უმბრიის რეგიონი, ჩიტა დელა პიევეს კომუნა |
| გარდაიცვალა | 1523[1] |
| გარდაცვალების ადგილი | პერუჯა |
| ეროვნება | იტალიელი |
| სფერო | ფერწერა, ფრესკა |
| მიმდინარეობა | რენესანსი |
| ცნობილი ნამუშევრები | «გასაღებების გადაცემა» |
| მან გავლენა მოახდინა | რაფაელი |
ბიოგრაფია
დაიბადა ჩიტა დელა პიევეს კომუნაში, ქალაქ პერუჯადან 35 კმ-ში. ადგილობრივ მხატვართან სწავლების შემდეგ 1470 წელს ჩამოვიდა ფლორენციაში და შევიდა ანდრეა დელ ვეროკიოს სახელოსნოში.
1481 წელს უკვე ცნობილი დიდი მხატვარი, იტალიის ერთ-ერთი საუკეთესო მხატვრების რიცხვში, მიწვეული იქნა რომში პაპის სიქსტუს IV-ს მიერ სიქსტეს კაპელას მოხატვაში მონაწილეობის მისაღებად.
პერუჯინო მუშაობდა იტალიის სხვადასხვა ქალაქებში, მაგრამ ყველაზე მეტად პერუჯაში, სადაც ის ხელმძღვანელობდა დიდ სახელოსნოს. XV საუკუნის 80-90-იან წლებში პერუჯინო იყო ერთ-ერთი ყველაზე სახელგანთქმული იტალიელი მხატვარი. მისი მოწაფეებიდან ყველაზე ცნობილია — რაფაელი.
პერუჯინოს საუკეთესო ნამუშევრებად ითვლება 1500 წლამდე შექმნილი ნამუშევრები. მათ შორი გამოიყოფა „გასაღებების გადაცემა“, რომელიც გამოირჩევა კომპოზიციის გრაციოზულობით. ერთ-ერთი ყველაზე ცნობილი სურათია — „ქრისტეს დატირება“.
პერუჯინო გარდაიცვალა 1524 წელს ქალაქ პერუჯაში ჭირისგან. მისი მოწაფის რაფაელის გარდაცვალების შემდეგ პერუჯინომ დაასრულა რაფაელის მიერ დაუმთავრებელი ფრესკები პერუჯას ეკლესიში.
შემოქმედება
- ფრესკა «გასაღებების გადაცემა» ვატიკანში სიქსტეს კაპელაში, 1481—1482;
- «წმინდა სებასტიანი»
- «ქრისტეს დატირება», დაახლოებით 1494-1495, უფიცის გალერეა, ფლორენცია;
- ფრესკა «ჯვარცმა» სანტა-მარიას ეკლესია ფლორენცია, 1496
გალერეა
«Gonfalone con la Pietà»
«Albani Torlonia Altarpiece»
«ღვთისმშობლის დაწინდვა»
«Annunciazione di Fano»
«Madonna Gambier Parry»
«ქრისტეს ნათლობა» სიქსტეს კაპელა
რესურსები ინტერნეტში
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
