![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/db/Estatua_de_Pedro_I_el_Cruel_%2528M.A.N.%2529_01.jpg/640px-Estatua_de_Pedro_I_el_Cruel_%2528M.A.N.%2529_01.jpg&w=640&q=50)
პედრო I მრისხანე
From Wikipedia, the free encyclopedia
პედრო I მრისხანე (დ. 30 აგვისტო, 1334 — გ. 23 მარტი, 1369) — კასტილიისა და ლეონის მეფე 1350-1369 წლებში. ესწრაფებოდა ფეოდალური ანარქიის მოსპობასა და ცენტრალური ხელისუფლების გაძლიერებას, ეყრდნობოდა ანდალუსიის სავაჭრო-სამრეწველო ქალაქებს, გრანადის ამირასა და "შავი პრინცის" (ინგლისის მეფის ედუარდ III-ის ძის) რაზმებს. მის წინააღმდეგ იბრძოდნენ ეკონომიკურად ნაკლებ განვითარებული კასტილიისა და ლეონის ქალაქები. ბრძოლა ცვალებადი უპირატესობით პედრო I-სა და მის მოწინააღმდეგეებს შორის დიდხანს გაგრძელდა. 1369 წელს მონტელიესთან ბრძოლაში დამარცხების შემდეგ პედრო I თავისმა ნახევარძმამ ენრიკე ტრასტამარიმ მოკლა.
![Thumb image](http://upload.wikimedia.org/wikipedia/commons/thumb/d/db/Estatua_de_Pedro_I_el_Cruel_%28M.A.N.%29_01.jpg/320px-Estatua_de_Pedro_I_el_Cruel_%28M.A.N.%29_01.jpg)