![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c4/Lac_de_Neuchatel.jpg/640px-Lac_de_Neuchatel.jpg&w=640&q=50)
ნევშატელის ტბა
From Wikipedia, the free encyclopedia
ნევშატელის ტბა (ფრანგ. Lac de Neuchâtel; გერმ. Neuenburgersee) — ტბა დასავლეთ შვეიცარიაში. ტბის დიდი ნაწილი მოქცეულია ნევშატელის კანტონის ტერიტორიაზე, დანარჩენი მცირე მონაკვეთი – ვოს, ფრიბურისა და ბერნის კანტონების ტერიტორიაზე. ნევშატელის ტბა მდებარეობს იურის მთების სამხრეთ-აღმოსავლეთ მთისწინეთში, ზღვის დონიდან 429 მ სიმაღლეზე. სიგრძე დაახლოებით 40 კმ, სიგანე 8 კმ-მდე. ფართობი 218,3 კმ². უდიდესი სიღრმე 152 მ. ფშანით შეერთებულია ბილის ტბასთან, რომლითაც მდინარე აარეთი უკავშირდება მდინარე რაინს. მოქცეულია მთლიანად შვეიცარიის ტერიტორიაზე, რის გამოც მიჩნეულია ამ ქვეყნის უდიდეს ტბას.
ნევშატელის ტბა | |
---|---|
![]() ნევშატელის ტბა | |
კოორდინატები: 46°54′ ჩ. გ. 6°51′ ა. გ. | |
მდებარეობა | ![]() |
სიმაღლე ზღვის დონიდან | 429 მ |
სიგრძე | 38.3 კმ |
სიგანე | 8.2 კმ |
ფართობი | 218.3 კმ² |
საშუალო სიღრმე | 64.2 მ |
მაქსიმალური სიღრმე | 152 მ |
ერთვის რამდენიმე შენაკადი, მათ შორის მნიშვნელოვანია: ორბი, არნონი და სხვა. დასავლეთ ნაპირები მთაგორიანი და ციცაბოა, აღმოსავლეთი — დამრეცი. მკაცრ ზამთარში იყინება. ტბის ჩრდილოეთ ნაპირზე გაშენებულია ქალაქი ნევშატელი, სამხრეთ სანაპიროს სიახლოვეს ქალაქი ივერდონია.