From Wikipedia, the free encyclopedia
ქუთაისის საერთაშორისო აეროპორტი (IATA: KUT, ICAO: UGKO) ასევე ცნობილია, როგორც დავით აღმაშენებლის სახელობის საერთაშორისო აეროპორტი[4] ან კოპიტნარი — აეროპორტი ქალაქ ქუთაისიდან 14 კილომეტრით დასავლეთით. ის ერთ-ერთია საქართველოს სამ საერთაშორისო აეროპორტს შორის, თბილისის საერთაშორისო აეროპორტისა და ბათუმის საერთაშორისო აეროპორტთან ერთად. ასაფრენი ბილიკის სიგრძე 2 600 მეტრს შეადგენს და სრულიად აკმაყოფილებს თანამედროვე სტანდარტებს[4].
ქუთაისის საერთაშორისო აეროპორტი | ||
---|---|---|
![]() | ||
ინფორმაცია | ||
ტიპი | სამოქალაქო | |
მფლობელი | საქართველო | |
ოპერატორი | საქართველოს აეროპორტების გაერთიანება | |
ემსახურება | ქუთაისი | |
სიმაღლე ზდ | 68 მ. | |
კოორდინატები | 42°10′35″ ჩ. გ. 042°28′57″ ა. გ. | |
ვებ-გვერდი | kutaisi.aero | |
ასაფრენ-დასაჯდომი ბილიკი (ადბ) | ||
ნომერი | ზომები | საფარი |
07/25 | 2,500 | ასფალტ-ბეტონი[1] |
წყარო: DAFIF[2][3] |
სარეკონსტრუქციო სამუშაოების გამო აეროპორტი 2011 წლის ნოემბერში იქნა დახურული. მისი ხელახლა გახსნა კი 2012 წლის 27 სექტემბერს მოხდა. ამ ცერემონიას ესწრებოდნენ საქართველოს პრეზიდენტი მიხეილ სააკაშვილი, უნგრეთის პრემიერ-მინისტრი ვიქტორ ორბანი[5] და Wizz Air-ის მთავარი აღმასრულებელი დირექტორი ჯოზეფ ვარადი[6]. ქუთაისის აეროპორტმა პირველი რეისი მის ოფიციალურ გახსნამდე 1 თვით ადრე 2012 წლის 28 აგვისტოს მიიღო, რომელსაც სატვირთო Boeing 747 ასრულებდა. ბიუჯეტურმა ავიაკომპანია Wizz Air-მა ავიარეისების შესრულება სექტემბრიდანვე დაიწყო კიევისა და ქუთაისის აეროპორტებს შორის[7]. ქუთაისის აეროპორტის პრიორიტეტია მიიზიდოს დაბალფასიანი ავიაკომპანიები და შექმნას განსაკუთრებული გარემო ავიაკომპანიებსა და აეროპორტებს შორის. აეროპორტი აღჭურვილი იქნება უმაღლესი ხარისხის სანავიგაციო და მეტეოროლოგიური სისტემებით[4].
ქუთაისის საერთაშორისო აეროპორტის მიზანი დაბალბიუჯეტიანი ავიაკომპანიების მოზიდვა და კონკურენტული გარემოს შექმნაა. ბილეთის ხელმისაწვდომი ფასი საქართველოს ტურისტულად აქტიურ ზონას ხდის და საშუალებას აძლევს ადგილობრივ მგზავრებს სხვადასხვა მიმართულებით დაბალ ფასად იმოგზაურონ.
აეროპორტის ასაფრენი ბილიკის სიგრძე 2 600 მეტრს შეადგენს და სრულიად აკმაყოფილებს თანამედროვე სტანდარტებს. გარდა ამისა, აეროპორტი აღჭურვილია უმაღლესი ხარისხის სანავიგაციო და მეტეოროლოგიური სისტემებით.
აეროპორტს ადგილმდებარეობით რეგიონში საკვანძო მნიშვნელობა აქვს. თბილისიდან ორას კილომეტრში მდებარე ქუთაისის საერთაშორისო აეროპორტი, 300 კმ რადიუსით უკავშირდება თურქეთს, სომხეთს, აზერბაიჯანსა და რუსეთს. ხელსაყრელი კლიმატური პირობების და ინფრასტრუქტურის გამო, ქუთაისის საერთაშორისო აეროპორტი სათადარიგო მნიშვნელობისაა. აქ ნებისმიერი ამინდის და ხილვადობის პირობებში შესაძლებელია რეისის მართვა. აეროპორტის შესაძლებლობებში ერთდროულად 600 მგზავრის მომსახურება შედის. მას შეუძლია ერთდროულად მიიღოს ორი და გაამგზავროს სამი რეისი.
ავიაკომპანიები | დანიშნულებები |
---|---|
flydubai | სეზონური დუბაი-საერთაშორისო[8] |
Red Wings Airlines | მოსკოვი-დომოდედოვო |
Service Air | მესტია,[9] ნატახტარი |
Ural Airlines | მოსკოვი-დომოდედოვო |
Wizz Air | ათენი, ბარსელონა[10], ბერლინი-შენეფელდი, ბუდაპეშტი, გდანსკი, დორტმუნდი, ვარშავა-შოპენი, ვენა, ვილნიუსი, ვროცლავი, კატოვიცე, კოპენჰაგენი, კრაკოვი, ლარნაკა, ლონდონი-ლუტონი, მემინგენი,[11] მილანი-მალპენსა, სალონიკი, ნიურნბერგი, პარიზი-ბოვე[10], პოზნანი, პრაღა[10], რიგა, რომი-ფიუმიჩინო[10], სტოკჰოლმი, ტალინი, ტურკუ, ჰამბურგი, ჰერაკლიონი |
Utair | უფა[12] |
მგზავრთა ნაკადის საგრძნობი მატება 2012 წელს, აეროპორტის ხელახლა გახსნიდან მალევე აღინიშნა, ძირითადად ეს განაპირობა Wizz Air-ის ფრენებმა ქუთაისიდან პოლონეთის და უკრაინის აეროპორტების მიმართულებით.
წელი | მგზავრთა რაოდენობა | ფრენების რაოდენობა | მგზავრების რაოდენობა წინა წელთან შედარებით |
---|---|---|---|
2010 | ![]() | ||
2011 | ![]() | ||
2012 | 68 | ![]() | |
2013 | 1785 | ![]() | |
2014 | 2 172 | ![]() | |
2015 | 899 | ![]() | |
2016 | 1 238 | ![]() | |
2017 | 1 822 | ![]() | |
2018 | 617 342 | 2 160 | ![]() |
2019 | 873 907 | 2 886 | ![]() |
2020 | 183 873 | 701 | ![]() |
2021 | 282,514 | ![]() | |
2022 | 796,063 | 3,220 | ![]() |
2023 | 1,671,017 | 5,040 | ![]() |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.