![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/4b/GrassHopperOviPositor.jpg/640px-GrassHopperOviPositor.jpg&w=640&q=50)
კვერცხსადები
From Wikipedia, the free encyclopedia
კვერცხსადები (ovipositor) — მრავალი მწერისა და ზოგი თევზის კვერცხის დასადები გარეგანი სასქესო ორგანო. მწერების კვერცხსადები წარმოადგენს მუცლის მე-8 და მე-9 სეგმენტის სახეცვლილ კიდურებს. შედგება 3 წყვილი საგდულისაგან, რომელიც ესობა სუბსტრატში და კვერცხი მათ შუა მისრიალებს. ტიპური კვერცხსადები აქვთ კუტკალიებს. კალიების კვერცხსადები უფრო მოკლე და მაგარია. ნემსიყლაპიები კვერცხსადების მეშვეობით კვერცხს მცენარეთა ქსოვილში დებენ, მხედრები კი — სხვა მწერის სხეულში. უმაღლესი სიფრიფანაფრთიანების კვერცხსადები გარდაქმნილია ნესტრად. თევზის კვერცხსადები სახეცვლილი შარდ-სასქესო დვრილია, რომელიც ქვირითობის დროს გაგრძელდება.
![Thumb image](http://upload.wikimedia.org/wikipedia/commons/thumb/4/4b/GrassHopperOviPositor.jpg/640px-GrassHopperOviPositor.jpg)