ვარდის სახელი (იტალ. Il nome della rosa) — იტალიელი მწერლის, უმბერტო ეკოს პირველი რომანი, გამოიცა 1980 წელს. ნაწარმოები წარმოადგენს, როგორც ისტორიულ მისტიკას 1327 წელს იტალიურ მონასტერში მომხდარი მკვლელობის შესახებ, აგრეთვე ინტელექტუალურ მისტიკას, რომელიც პროზის სემიოტიკას, ბიბლიურ ანალიზს, შუა საუკუნეების კვლევას და ლიტერატურულ თეორიას მოიცავს.
ვარდის სახელი Il nome della rosa | |
---|---|
ჟანრი | პოსტმოდერნიზმი |
ავტორი | უმბერტო ეკო |
მშობლიური ენა | იტალიური |
დაწერის ადგილი | იტალია |
გამოცემულია | 1980 |
ქართულად თარგმნა | 2011, ხათუნა ცხადაძე |
შემდეგი | ფუკოს ქანქარა (რომანი) |
„ვარდის სახელი“ 1982 წელს სტრეგას პრემიის მფლობელი გახდა. ის 47 ენაზეა თარგმნილი. იტალიურ ენაზე გაყიდულია წიგნის 6 მილიონ ნახევარზე მეტი, ხოლო მსოფლიოს მასშტაბით 50 მილიონზე მეტი ეგზემპლარი. გაზეთმა Le Monde რომანი XXI საუკუნის 100 ძირითადი წიგნის სიაში შეიტანა. 1983 წელს კი New York Times-მა ის წლის პირველ ბესტსელერად დაასახელა. 1986 წელს გამოვიდა რომანის ეკრანიზაცია, რომელიც ჟან-ჟაკ ანომ გადაიღო.
რომანის მთხრობელია მელქელი ბერი ადსო, რომელიც საკუთრი სიყმაწვილის პერიოდის 1327 წელს იტალიის ჩრდილო-დასავლეთით მდებარე ბენედიქტელთა მონასტერში მომხდარ ამბავს იხსენებს. ადსო ფრანცისკელი ბერის, უილიამ ბასკერვილელის თანამგზავრია. უილიამმა მონაწილეობა უნდა მიიღოს ავინიონელი პაპისა და მწვალებლებად შერაცხილი უმცირესობის წარმომადგენელთა თეოლოგიურ დავაში ქრისტეს სიღარიბის შესახებ. მონასტერში ყოფნისას უილიამი იქ მომხდარი უცნაური მკვლელობების გამოძიებას ცდილობს. მკვლელობები მონასტრის ბიბლიოთეკაში შენახულ აკრძალულ წიგნს უკავშირდება. წიგნის ხელში ჩაგდების ყველა მსურველი გაურკვეველ ვითარებაში იღუპება. ესაა არისტოტელეს „პოეტიკის“ მეორე ტომი, რომელიც დაკარგულად ითვლება. საკუთარი გამჭრიახობის წყალობით უილიამი აღმოაჩენს წიგნსა და დამნაშავეს, თუმცა წიგნის გადარჩენას ვერ მოახერხებს და ბიბლიოთეკასა და მონასტერს ხანძარი გაანადგურებს.
- უმბერტო ეკო, ვარდის სახელი— თბილისი, „დიოგენე“, 2011, ISBN 978-9941-11-225-6
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.