![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/00/Pontoon_Crossing_at_Mango_Landing_Essequibo_River.jpg/640px-Pontoon_Crossing_at_Mango_Landing_Essequibo_River.jpg&w=640&q=50)
ესეკიბო
From Wikipedia, the free encyclopedia
ესეკიბო (ესპ. Río Esequibo) — მდინარე სამხრეთ ამერიკაში, გაიანაში. სათავე აქვს გვიანის ზეგანზე. მიედინება ტყეებით და სავანებით გარშემორტყმულ ტერიტორიაზე და შეერთვის ატლანტის ოკეანეს. სიგრძე 1010 კმ. აჩენს 25 კმ-მდე სიგანის ესტუარს, სადაც მრავალი მომცრო კუნძულია. ატლანტის ოკეანეს ერთვის გაიანის დედაქალაქ ჯორჯტაუნიდან 21 კილომეტრის მოშორებით. აქვს მრავალი შენაკადი: რუპუნუნი, პოტარო, მასარუნი, სიპარუნი, კუიუნი და სხვ. შესართავთან დაახლოებით 30 კმ-ში მდებარეობს კუნძულები ლეგუანი (ფართობი 28 კმ²), ვაკენაამი (ფართობი 44 კმ²) და ჰოგი (ფართობი 60 კმ²). წყალუხვია. მდინარეზე ბევრი ჭორომი და ჩანჩქერია. სანაოსნოა შესართავიდან 80 კილომეტრამდე. მდინარის ქვემოთში არის ქალაქი ბარტიკა. მდინარე ესეკიბოზე მდებარეობს სახელგანთქმული წყალვარდნილი — კაიეტური, რომლის სიმაღლეა 226 მ.
ესეკიბო Río Esequibo | |
---|---|
![]() მდინარე ესეკიბო | |
ქვეყანა |
![]() |
ქალაქები |
ბარტიკა ბილოკუ აპოტერი კურუპუკარი როქსტოუნი |
სათავე |
აკარაის მთები |
შესართავი |
ატლანტის ოკეანე 7°02′00″ ჩ. გ. 58°27′00″ დ. გ. |
სიგრძე | 1010 კმ |
აუზის ფართობი | დაახლ. 155 ათ. კმ² |
![]() მდინარე ესეკიბოს აუზი | |
![]() ![]() | |
![]() |
პირველი ევროპული კოლონია გაიანაში აშენდა მდინარის დაბალ ნაწილებში 1615 წელს. კოლონისტები ინდიელებთან მეგობრულ ურთიერთობაში იმყოფებოდნენ, სადაც სანაპიროსთან ახლოს გაშენებული ჰქონდათ შაქრისა და კაკაოს პლანტაციები. 1995 წელს მდინარეზე დაიღვარა მჟავის შხეფები. დაახლოებით 4 000 000 მ³ მოცულობის ციანიტი მდინარეში იყო გაშვებული, რამაც ზარალი გამოიწვია.
მდინარის სახელწოდება მომდინარეობს ძველი ჰოლანდიური კოლონიის — ესეკიბოს სახელწოდებიდან.