ეინჰარდი
From Wikipedia, the free encyclopedia
ეინჰარდი (ლათ. Einhardus aut Eginhardus, გერმ. Einhard auch Eginhard; დ. დაახლ. 775 — გ. 14 მარტი, 840) — ფრანკი სწავლული. ავტორი ცნობილი ბიოგრაფიისა კარლოს დიდის ცხოვრება (Vita Karoli Magni).
ბიოგრაფიული ცნობები მის შესახებ მწირია. ცნობილია, რომ ეინჰარდი სწავლობდა ფულდის საეკლესიო სკოლაში. ის 20 წლის იყო, როდესაც მიიყვანეს ალკუინის მიერ გახსნილ აკადემიაში, სადაც კარლოს დიდის შვილებთან ერთად ეუფლებოდა განათლებას. მოგვიანებით მოღვაწეობდა სამეფო კარზე.