გერმანული ავსტრია
From Wikipedia, the free encyclopedia
გერმანული ავსტრია (გერმ. Deutschösterreich) არაოფიციალურად ეწოდებოდა ავსტრია-უნგრეთის იმპერიის შემადგენლობაში მყოფ იმ ავსტრიულ მიწებს, რომლებიც ძირითადად გერმანელებით იყო დასახლებული.
ავსტრიის სახელმწიფო საბჭოსა და 1918 წლის 30 ოქტომბერს პირველი მთავრობის არჩევისას, ასევე ამავე წლის 18 ნოემბერს ავსტრიის რესპუბლიკის გამოცხადების დროს იმპერიის უკანასკნელი საბჭოს გერმანულენოვანმა წევრებმა, რომლებიც 1918 წლის 21 ოქტომბერს გერმანელ დეპუტატთა ეროვნულ კრებაზე ვენაში შეიკრიბნენ, მათ მიერ წარმოდგენილ ტერიტორიებს ოფიციალურად უწოდეს გერმანული ავსტრია. 1918 წლის 12 ნოემბერს მათ გამოაცხადეს ახალი რესპუბლიკის შექმნა ვაიმარის რესპუბლიკის შემადგენლობაში.
1919 წლის 10 სექტემბრის სენ-ჟერმენის ხელშეკრულების საფუძველზე ეს ტერიტორიები ავსტრიის რესპუბლიკას დაექვემდებარა.