ბაყაყი-მეანი

ბაყაყი-მეანი (ლათ. Alytes) — ხერხემლიანი ცხოველების გვარი უკუდო ამფიბიების რიგისა. ცნობილია ორი სახეობა: ჩვეულებრივი ბაყაყი-მეანი (Alytes obstetricans), გავრცელებულია სამხრეთ ევროპაში, მცირე ზომის (50 მმ-მდე) ცხოველია. ფერფლისფერ-რუხი სხეული შავი ან მოყვითალო-თეთრი მეჭეჭებითა აქვს მოფენილი. აქტიურია დღისით. ქვირითს ყრის ორ გრძელ (170 სმ-მდე) ზონრად, რომლებსაც მამალი უკანა ფეხებზე იხვევს და ატარებს თავკომბალების გამოჩეკამდე (ერთ თვემდე). გამოჩეკის მომენტისათვის მამალი ჩადის წყალში, იცილებს საკვერცხე ზონრებს და ხმელეთზე ამოდის. თავკომბალების გარდაქმნა ზოგჯერ 2 წლამდე გრძელდება. იბერიული ბაყაყი-მეანი (Alytes cisternasii) გვხვდება პირენეს ნახევარკუნძულზე და ნაკლებადაა შესწავლილი.

ბაყაყი-მეანი
მეცნიერული კლასიფიკაცია
სამეფო:  ცხოველები ქვეტიპი:  ხერხემლიანები რიგი:  უკუდო ამფიბიები ოჯახი:  ენამრგვალასებრნი გვარი:  ბაყაყი-მეანი
ლათინური სახელი
Alytes
სისტემატიკა ვიკისახეობებში სურათები ვიკისაწყობში ITIS   208047 NCBI   8442 EOL   39979 FW   94178

ლიტერატურა

• ქართული საბჭოთა ენციკლოპედია, ტ. 2, თბ., 1977. — გვ. 248.