From Wikipedia, the free encyclopedia
ბარისანი (ინდონ. Pegunungan Bukit Barisan) — ქედი კუნძულ სუმატრის დასავლეთ ნაწილში, ინდონეზიაში. ჩრდილოეთიდან სამხრეთისაკენ გადაჭიმულია დაახლოებით 1700 კმ-ზე. ქედის უმაღლესი წერტილია ვულკანი კერინჩი (3805 მ). აგებულია მეტწილად პალეოზოური ასაკის კრისტალური ფიქლებით, კვარციტებით, კირქვებით, გრანიტებით, აგრეთვე ვულკანური ქანებით. ფერდობები ძლიერაა დანაწევრებული მდინარეთა ხეობებით. შედგება ძირითადად ვულკანებისაგან, რომლებიც დაფარულია ხშირი ჯუნგლებით, მათ შორის სუმატრის ტროპიკული ფიჭვის ტყეებით. სულ 35 მოქმედი ვულკანია. ქედის ფარგლებშია ბუკიტ-ბარისან-სელატანის ეროვნული პარკი. ზღვის დონიდან 905 მ სიმაღლეზე მდებარეობს მსოფლიოს უდიდესი ვულკანური ტბა ტობა. არის ჩანჩქერები, ცხელი წყაროები, ფუმაროლები, მღვიმური სისტემები. განვითარებულია ნოტიო ტროპიკული კლიმატი, დამახასიათებელია მარადმწვანე ტყეები. სახელწოდება ბუკიტ-ბარისანი ინდონეზიური ენიდან ნიშნავს „ბორცვების მწკრივს“ ან „ბორცვები, რომლებიც ქმნიან მწკრივს“.
| ბარისანი | |
|---|---|
 ვულკანი კერინჩი | |
| კოორდინატები: 3°00′ ს. გ. 102°15′ ა. გ. | |
| ქვეყანა |  ინდონეზია
|
| ტერიტორიული ერთეული | კერინჩი |
| სიმაღლე | 3805 მ |
| სიგრძე | 1700 კმ |
  | |
შეგიძლიათ იხილოთ მედიაფაილები თემაზე „ბარისანი“ ვიკისაწყობში.Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
