ჯუმათის მიქაელ და გაბრიელ მთავარანგელოზთა ხატი

ჯუმათის მიქაელ და გაბრიელ მთავარანგელოზთა ხატი — ტვიფრული მინანქრით ტექნიკით შესრულებული ოქროს ხატი (0,59x0,41) ჯუმათის მონასტრიდან. ამჟამად ხატი დაკარგულია. ხატზე მოხსენიებული არიან XVII საუკუნის ისტორიული პირები: მამია გიორგის ძე გურიელი და მისი მეუღლე თინათინი.

მიქელ-გაბრიელის ხატი. (დ. ერმაკოვის კოლექცია)

ხატი აღწერილი აქვს დიმიტრი ბაქრაძეს^[1], ასევე შეტანილი აქვს ნიკოდიმ კონდაკოვს თავის შრომაში^[2]. ხატს ამშვენებდა წარწერები:

	„Ⴕ. ႼႬႭ: ႻႪႧႠ: ႫႧႠႥႰႬႭ: ႸႤႧ: ႪႲ: Ⴅ ႬႨႱ: ႻႤ:“
	(ქ. წმიდანო ძალთა მთავარნო შეიწყალეთ ლიპარიტ (ვარდანის) ძე)

„ქ. მოგჭედე჻ და჻ შეგამკევ჻ ხატი჻ ესე჻ მიქელ჻ და჻ გაბრიელ჻ მთავარანგელოზისა჻ მე჻ ბატონისა჻ გურიელის჻ გიორგის჻ შვილმან჻ მამია჻ და჻ თანამეუღლემან჻ ჩვენმან჻ ათაბაგისა჻ ქალმან჻ თინათინ჻ შემოგწირეთ჻ საყდარსა჻ ჯუმათისასა჻ ჩუჱნისა჻ ამ჻ სოფლის჻ ... რცნელისათვის჻ და჻ საუკუნოსა჻ წარწყმედისა჻ ხსნისათვის჻ ამინ჻“

კონდაკოვის აზრით მინანქრები XIII-XIV საუკუნეებს მიეკუთვნება.

ლიტერატურა

• თავბერიძე ი., „ჯუმათის მონასტრის სიძველეები“, თბილისი: საქართველოს საპატრიარქოს გამომცემლობა, 2005, ISBN 99940-852-6-3.

სქოლიო

1. Бакрадзе Д., „Археологическое путешествие по Гурии и Адчаре“. СПб. ст. 264-265, 1878г.
2. Кондаков Н. П., Бакрадзе Д. „Опись памятников древности в некоторых храмах и монастырях Грузии“. СПб. ст. 104-106, 1890г.