წყალსატევი

წყალსატევი — გაუდინარი ან შენელებული ჩამონადენის მქონე წყლის დაგროვება ხელოვნურ ან ბუნებრივ ქვაბულში.

ფიორდი ლიუსე, ნორვეგია

მდინარე გამბია, ნიოკოლო-კობის ეროვნული პარკში

პორტ-ჯექსონი, სიდნეი, ავსტრალია

წარმოქმნა

წყალსატევი წარმოიქმნება მაშინ, როდესაც ქვაბულში ჩამდინარე წყლის რაოდენონა ჭარბობს ნიადაგში წყლის ფილტრაციითა და აორთქლებით გამოწვეულ მის დანაკარგს. წყალსატევი შეიძლება იყოს მუდმივი და დროებითი, რომელიც ჩნდება მხოლოდ წყალუხვობის პერიოდში. ქიმიური შემადგენლობითა და წყალში ხსნადი მარილების რაოდენობით განარჩევენ მტკნარსა და მლაშე წყალსატევებს. მათში ფიზიკური, ქიმიური და ბიოლოგიური პროცესები განსხვავებულად მიმდინარეობს. წყალსატევებს მიეკუთვნება ტბები, წყალსაცავები, ტბორები და სხვა.

მსოფლიოს უდიდესი წყალსატევები

• ვიქტორია — (უგანდა, ტანზანია, კენია, მდ. ვიქტორია, მდ. ნილოსი, ტბა ვიქტორია) — 204,8 კმ³
• ბრატსკის — (რუსეთი, მდ. ანგარა) — 169,3 კმ³
• კარიბა — (ზამბია, ზიმბაბვე, მდ. ზამბეზი) — 160,3 კმ³
• ნასრი — (ასუანი) — (ეგვიპტე, სუდანი, მდ. ნილოსი) — 157,0 კმ³
• ვოლტა — (განა, მდ. ვოლტა) — 148,0 კმ³
• დანიელ-ჯონსონი — (კანადა) მდ. და ტბა მანიკუაგანი — 141,8 კმ³
• კრასნოიარსკის — (რუსეთი, მდ. ენისეი) — 73,3 კმ³
• უადი სარსარი — (ერაყი. მდ. ტიგროსი) — 72,8 კმ³
• პორტიუჯ-მაუნტინი — (კანადა) მდ. პის-რივერსი — 70,1 კმ³
• ზეის — (რუსეთი, მდ. ზეა) — 68,3 კმ³
• კაბორა-ბასა — (მოზამბიკი, მდ. ზამბეზი) — 63,0 კმ³
• ლა-გრანდო — (კანადა, მდ. ლა-გრანდი)— 60,8 კმ³
• უსტ-ილიმსკის — (რუსეთი, მდ. ანგარა) — 59,4 კმ³
• ბოგუჩანის — (რუსეთი. მდ. ანგარა) — 58,2 კმ³
• კუიბიშევის — (რუსეთი, მდ. ვოლგა) — 58,0 კმ³

ლიტერატურა

• ქართული საბჭოთა ენციკლოპედია, ტ. 11, თბ., 1987. — გვ. 358.

რესურსები ინტერნეტში

• წყალსატევის ტიპები დაარქივებული 2011-11-12 საიტზე Wayback Machine.