ფოთის გერბი

ფოთის გერბი — ფოთის თვითმმართველი ქალაქის სახელმწიფო სიმბოლო დროშასთან ერთად. მიღებულია ქალაქ ფოთის საკრებულოს მიერ 2005 წელს, რომლის ავტორია მხატვარ-ჰერალდიკოსი მამუკა გონგაძე.

ფოთის გერბი
დეტალები
გვირგვინი	სამკოშკიანი ქონგურებიანი საქალაქო ვერცხლის გვირგვინი
ფარმჭერები	ვერცხლ-ლაჟვარდოვანი ბაფთა
დევიზი	ფოთი

აღწერილობა

გერბის ფარი ტალღოვანი ვერცხლის სარტყელით გაყოფილია ორ ნაწილად

• I ნაწილი — მეწამულ ველზე ოქროს კოშკი ნახევრად ღია ჭიშკრით. I ნაწილს უჭირავს ფარის 2/3,
• II ნაწილი — წარმოადგენს ლაჟვარდის ველს. II ნაწილს — 1/3.

გერბის ფარის ცენტრში მოთავსებულია მცირე ფარი — ლაჟვარდის ველზე ოქროს საწმისი.

გერბის ფარს ზემოთ მოთავსებულია საქალაქო ვერცხლის გვირგვინი — სამკოშკიანი ქონგურებიანი გალავანი (ციხე-სიმაგრის ფორმის) ნახევრად ღია ჭიშკრით.

გერბის ფარს უკან ჯვარედინად მოთავსებულია ორი ოქროს ღუზა.

გერბის ფარს გვერდებზე და ქვევით შემოყვება ვერცხლ-ლაჟვარდოვანი ბაფთა, რომლის ვერცხლის ველზე შავით ჩაწერილია დევიზი — „ფოთი“.

რესურსები ინტერნეტში

• ფოთის მუნიციპალიტეტის დროშა და გერბი
• ფოთის ოფიციალური საიტი დაარქივებული 2013-07-31 საიტზე Wayback Machine.