სტოუნჰენჯი

სტოუნჰენჯი (ინგლ. Stonehenge) — პრეისტორიული მეგალითური მონუმენტი ინგლისის სამხრეთ-დასავლეთში (სოლზბერის ვაკე). 1986 წელს, იუნესკომ სტოუნჰენჯი და მის შემოგარენში მდებარე არქეოლოგიური ძეგლები მსოფლიო მემკვიდრეობის სიაში შეიტანა საერთო სახელით - სტოუნჰენჯი, ეივბერი და ასოცირებული ძეგლები.

სტოუნჰენჯი, ეივბერი და ასოცირებული ძეგლები*
იუნესკოს მსოფლიო მემკვიდრეობის ძეგლი
ქვეყანა	გაერთიანებული სამეფო
ტიპი	კულტურული
კრიტერიუმები	i, ii, iii
სია
რეგიონი**	ევროპა
კოორდინატები	51°10′43″ ჩ. გ. 1°49′28″ დ. გ.
გაწევრიანების ისტორია
გაწევრიანება	1986  (მე-10 სესია)
ნომერი	373
* იხ. ინგლ. სახელი UNESCO-ს სიაში. ** იუნესკოს მიერ კლასიფიცირებული რეგიონი.

მსოფლიო მემკვიდრეობა UNESCO, ობიექტი № 373 ინგლ. • რუს. • ფრ.

აგებულება

მსოფლიოს ეს ცნობილი ძეგლი შედგება 3 სამშენებლო ფენისგან:

• 97,5 მ დიამეტრის მქონე ქვაყრილისგან, რომლის შიგნით ორმოებია(ნაწილი კრემაციული).
• ძველი მიწაყრილის შიგნით ვერტიკალურად განლაგებული ქვის(38 წყვილი) 2 კონცენტრირებული წრისგან.
• მიწაში ვერტიკალურად ჩასობილი თლილი ქვები(სიმაღლე დაახლოებით 8,5 მ, მასა 28 ტონა), რომლებსაც თავზე ქვის ფილები ადევს.

ეს უკანასკნელი ქვათა კონსტრუქცია ქმნის 30 მ დიამეტრის წრეს. წრეში 5 ტრილიტია(ზემოდან ფილაგადაფარებული 2 ქვა), რომელიც თავის მხრივ საკურთხევლის ქვის გარშემოა განლაგებული.^[1]

დათარიღება

სტოუნჰენჯი ინგლისის ნეოლითისა და ბრინჯაოს ხანის მჭიდრო მონუმენტების კომპლექსის ცენტრია, რომელიც მოიცავს ასეულობით სამარხ მიწაყრილს.^[2]

არქეოლოგები დარწმუნებულნი არიან, რომ ეს წარმოსადეგი ქვის მონუმენტი ძვ. წ. 2500 წლების ფარგლებში აღიმართა.^[3] მაგრამ არსებობს მოსაზრება, რომ იგი ძვ. წ. 3000 წელზე ადრეა აღმართული. გარს შემოვლებული მიწაყრილი, რომელიც მონუმენტის ყველაზე ადრეულ ეტაპს წარმოადგენს, ძვ. წ. 3 100 წლით თარიღდება.

2008 წელს, არქეოლოგებმა წარმოადგინეს მონაცემები, რომლის მიხედვითაც სტოუნჰენჯი ადრეული ადამიანებისთვის სამარხის როლს ასრულებდა. აღმოჩენილია ადამიანის კრემაციის ნარჩენები, რომლებიც ძვ. წ. 3000 წლით თარიღდება, ანუ იმ დროით, როდესაც სტოუნჰენჯის თავდაპირველი კომპონენტები - მიწაყრილები შექმნეს.

იხილეთ აგრეთვე

• მსოფლიო მემკვიდრეობის ძეგლების სია ევროპაში
• კალანიშის ქვები

რესურსები ინტერნეტში

ვიკისაწყობში არის გვერდი თემაზე:

სტოუნჰენჯი

• Stonehenge, English Heritage - General information
• Stonehenge Landscape
• Ancient Places TV: HD Video of Stonehenge Excavations of 2008 დაარქივებული 2015-11-06 საიტზე Wayback Machine.
• Stonehenge Today and Yesterday
• The History of Stonehenge
• Stonehenge, a Temple Restor'd to the British Druids
• Stonehenge, and Other British Monuments Astronomically Considered

სქოლიო

1. ქართული საბჭოთა ენციკლოპედია, ტომი 9, გვერდი 575, თბილისი, 1985 წელი.
2. Christopher Young, Amanda Chadburn, Isabelle Bedu (July, 2008). „Stonehenge World Heritage Site Management Plan“. UNESCO: 18. აკლია |author1= (დახმარება); შეამოწმეთ თარიღის პარამეტრი |date=-ში (დახმარება)CS1-ის მხარდაჭერა: მრავალი სახელი: ავტორების სია (link)
3. Tim Darvill and Geoff Wainwright (2008-09-21). „Dig pinpoints Stonehenge origins“. BBC. ციტირების თარიღი: 22 სექტემბერი, 2008. შეამოწმეთ თარიღის პარამეტრი |accessdate=-ში (დახმარება)