ნასიონალის ჩემპიონატი

ნასიონალის ჩემპიონატი (ესპ. Campeonato Nacional) — საფეხბურთო შეჯიბრება (ტურნირი) არგენტინაში, რომელიც იმართებოდა 1967 წლიდან 1985 წლის ჩათვლით. ამ წლების განმავლობაში გაიმართა ნასიონალის 19 გათამაშება. ტურნირის მონაწილეთაგან სულ 9 კლუბმა მოიპოვა ნასიონალის ჩემპიონის ტიტული. აქედან სამჯერ გათამაშების ჩემპიონები გახდნენ „ინდეპენდიენტე“, „როსარიო სენტრალი“, „რივერ პლეიტი“ და „ბოკა ხუნიორსი“. ორ-ორჯერ — „სან-ლორენსო“ და „ფერო კარილ ოესტე“. თითოჯერ — „ესტუდიანტესი“, „ველეს სარსფილდი“ და „არხენტინოს ჯუნიორსი“.

1967–1985 წლებში, არგენტინის პრიმერა დივიზიონის ფარგლებში, ყოველი კალენდარული წლის განმავლობაში იმართებოდა ორი საფეხბურთო ტურნირი — ნასიონალი და მეტროპოლიტანო. ორივე ტურნირის (როგორც მეტროპოლიტანოს, ასევე ნასიონალის) ჩემპიონის ტიტული თანაბარმნიშვნელოვანი სტატუსით სარგებლობდა. ფაქტობრივად, მეტროპოლიტანოს და ნასიონალის ჩემპიონატები წარმოადგენდა არგენტინის პრიმერა დივიზიონის ორ ნაწილს. პირველად ტარდებოდა ნასიონალის გათამაშება (წლის პირველ ნახევარში), ხოლო შემდეგ — მეტროპოლიტანოს (წლის მეორე ნახევარში). ნასიონალის გათამაშებისას იცვლებოდა როგორც მონაწილე კლუბების რაოდენობა, ისე მისი ჩატარების ფორმატი. გამოიყენებოდა როგორც ერთიანი გათამაშების სტანდარტული სისტემა, ასევე, ორ ჯგუფად გაყოფილი ტურნირის ფორმატი, შემდგომი ნახევარფინალური მატჩებით.

ნასიონალის პირველი (1967) გათამაშების გამარჯვებული გახდა აველიანედას „ინდეპენდიენტე“.^[1][2][3]

ნასიონალის გათამაშების სტატისტიკა

წელი	გუნდები	ჩემპიონი	მეორე ადგილი
1967	16	ინდეპენდიენტე	ესტუდიანტესი [4]
1968	16	ველეს სარსფილდი	რივერ პლეიტი
1969	18	ბოკა ხუნიორსი	რივერ პლეიტი
1970	20	ბოკა ხუნიორსი	როსარიო სენტრალი
1971	28	როსარიო სენტრალი	სან-ლორენსო
1972	26	სან-ლორენსო	რივერ პლეიტი
1973	30	როსარიო სენტრალი	რივერ პლეიტი
1974	36	სან-ლორენსო	როსარიო სენტრალი
1975	32	რივერ პლეიტი	ესტუდიანტესი
1976	34	ბოკა ხუნიორსი	რივერ პლეიტი
1977	32	ინდეპენდიენტე	ტალერესი
1978	32	ინდეპენდიენტე	რივერ პლეიტი
1979	28	რივერ პლეიტი	უნიონი
1980	28	როსარიო სენტრალი	რასინგ კლუბი
1981	28	რივერ პლეიტი	ფერო კარილ ოესტე
1982	32	ფერო კარილ ოესტე	კილმესი
1983	32	ესტუდიანტესი	ინდეპენდიენტე
1984	32	ფერო კარილ ოესტე	რივერ პლეიტი
1985	32	არხენტინოს ჯუნიორსი	ველეს სარსფილდი

რეკორდები და სტატისტიკა

დიეგო მარადონამ ორჯერ მოიპოვა ნასიონალის საუკეთესო ბომბარდირის ტიტული (1979, 1980)^[5]

რესურსები ინტერნეტში

• Final Tables Argentina since 1891 RSSSF
• Final Tables Argentina 1961–1970 RSSSF
• Final Tables Argentina 1971–1980 RSSSF
• Final Tables Argentina 1981–1990 RSSSF
• Sitio oficial de la Asociación del Fútbol Argentino AFA
• Argentina – List of Champions and Runners-Up RSSSF
• Final Tables Argentina 1931–1940 (Professional) RSSSF