მონპელიე

მონპელიე (ფრანგ. Montpellier) — ქალაქი სამხრეთ საფრანგეთში. 2006 წლის მონაცემებით ქალაქის მოსახლეობა შეადგენს 251 634 ადამიანს, საშუალოდ ქალაქში მცხოვრებთა სიმჭიდროვე შეადგენს 4424 ადამიანს კმ²-ზე. დასახლებული პუნქტის ფართობია 56,88 კმ². მონპელიე 750 კილომეტრითაა დაცილებული ქვეყნის დედაქალაქ პარიზს. მონპელიე არის ლანგედოკი-რუსილონის რეგიონის და ეროს დეპარტამენტის ადმინისტრაციული ცენტრი. ქალაქი გაშენებულია ხმელთაშუა ზღვის სანაპიროსთან, მდინარე ლეზის ნაპირებზე, ლიონის ყურის მახლობლად.

ქალაქი
მონპელიე Montpellier
დროშა გერბი
ქვეყანა	საფრანგეთი
რეგიონი	ლანგედოკი-რუსილონილანგედოკი-რუსილონი
დეპარტამენტი	ერო
კოორდინატები	43°36′43″ ჩ. გ. 3°52′38″ ა. გ.
მერი	Michaël Delafosse
პირველი ხსენება	985
ფართობი	56.88 კმ²
ცენტრის სიმაღლე	7–57 მ
მოსახლეობა	257,351 კაცი (2010)
სიმჭიდროვე	4,524 კაცი/კმ²
სასაათო სარტყელი	UTC+1
სატელეფონო კოდი	467
საფოსტო ინდექსი	34000[1] , 34070[1] , 34080[1] და 34090[1]
ოფიციალური საიტი	https://montpellier.fr[2]
მონპელიე ვიკისაწყობში

ისტორია

მონპელიე აღმოცენდა VIII საუკუნეში. XI-XIII საუკუნეებში დიდი ეკონომიკური და სავაჭრო ცენტრი იყო. 1204 წლიდან მოიპოვა საქალაქო თვითმმართველობა. ამავე წლიდან შედიოდა არაგონის სამეფოს, ხოლო 1246 წლიდან მალიორკის სამეფოს შემადგენლობაში. სახელი გაითქვა თავისი სამედიცინო სკოლით. 1289 წელს აქ დაარსდა უნივერსიტეტი. 1349 წელს შეუერთდა საფრანგეთის სამეფო დომენს. რელიგიური ომების დროს წარმოადგენდა ჰუგენოტების საყრდენს. XVII საუკუნეში გახდა ლანგედოკის პროვინციის ადმინისტრაციული ცენტრი, ხოლო XVIII საუკუნის ბოლოდან ერის დეპარტამენტის ადმინისტრაციული ცენტრი.

დაძმობილებული ქალაქები

• ლეიკვუდი, აშშ, 1918 წლიდან
• ლუისვილი, აშშ, 1955 წლიდან
• ჰაიდელბერგი, გერმანია, 1961 წლიდან
• ბარსელონა, ესპანეთი 1963 წლიდან^[3]
• ჩენდუ, ჩინეთი, 1981 წლიდან
• ტიბერია, ისრაელი, 1983 წლიდან
• ფესი, მაროკო, 2003 წლიდან
• რიო-დე-ჟანეირო, ბრაზილია 2008 წლიდან

სქოლიო

1. Base officielle des codes postaux — La Poste, 2018.

   <a href='https://wikidata.org/wiki/Track:Q66049091'></a><a href='https://wikidata.org/wiki/Track:Q373724'></a>
2. Annuaire de service-public.fr

   <a href='https://wikidata.org/wiki/Track:Q3480047'></a><a href='https://wikidata.org/wiki/Track:Q97451652'></a>
3. Barcelona internacional - Ciutats agermanades Spanish. © 2006-2009 Ajuntament de Barcelona. დაარქივებულია ორიგინალიდან — 2012-11-27. ციტირების თარიღი: 2009-07-13.