მაიკ პომპეო

მაიკლ რიჩარდ „მაიკ“ პომპეო (ინგლ. Michael Richard «Mike» Pompeo; დ. 30 დეკემბერი, 1963, ორინჯი, კალიფორნია, აშშ) — ამერიკელი პოლიტიკოსი და დიპლომატი. აშშ-ის სახელმწიფო მდივანი 2018 წლის 26 აპრილიდან 2021 წლის 20 იანვრამდე.

მაიკ პომპეო
აშშ-ის 70-ე სახელმწიფო მდივანი
თანამდებობაზე ყოფნის დრო
26 აპრილი, 2018 – 20 იანვარი, 2021
პრეზიდენტი	დონალდ ტრამპი
წინამორბედი	რექს ტილერსონი
მემკვიდრე	ენტონი ბლინკენი
დაბადებული	30 დეკემბერი, 1963 (1963-12-30) (60 წლის) ორინჯი, კალიფორნია, აშშ
მოქალაქეობა	აშშ
ეროვნება	ამერიკელი
საქმიანობა	პოლიტიკოსი, დიპლომატი
ხელმოწერა

1986 წელს წარჩინებით დაამთავრა „უესტ პოინტის“ (West point) სამხედრო აკადემია და მსახურობდა კავალერიის ოფიცრად, ბერლინში, სადაც პომპეო ბერლინის კედლის დაცემამდე პატრულირებდა „რკინის ფარდასთან“. ის აგრეთვე მსახურობდა ამერიკის შეერთებული შტატების შეიარაღებული ძალების ქვეითთა მეოთხე დივიზიის, მე-7 ჯავშანსატანკო კავალერიის მე-2 რაზმში.

აქტიური სამხედრო სამსახურის დასრულების შემდგომ მან სწავლა განაგრძო ჰარვარდის სამართლის სკოლაში და რედაქტორობდა ჟურნალს „ჰარვარდის სამართლის მიმოხილვა“.

2017 წლის 23 იანვრიდან 2018 წლის 26 აპრილამდე იყო ცენტრალური სადაზვერვო სამმართველოს დირექტორი, წარმოადგენდა კანზასის შტატს წარმომადგენელთა პალატაში 2011-2017 წლებში. არის რესპუბიკური პარტიის წევრი, ემხრობა „ჩაის სმის მოძრაობას“.^[1][2]

პომპეო დაქორწინებულია სიუზან პომპეოზე. მათ ჰყავთ ერთი შვილი, ნიკი.

რესურსები ინტერნეტში

• Congressman Mike Pompeo დაარქივებული 2015-10-26 საიტზე Wayback Machine. official U. S. House site
• Biography at the Biographical Directory of the United States Congress

სქოლიო

1. Gehrke, Joel (August 7, 2014). „Tea-Party Power Endures“. National Review. ციტირების თარიღი: 29 December 2016.
2. Senator Roberts survives Tea Party challenge, foxnews.com; accessed October 21, 2015.