კოტე თოლორდავა (დ. 13 მაისი, 1979 — გ. 11 აპრილი, 2015, მოსკოვი, რუსეთი) ― ქართველი კინოსა და თეატრის მსახიობი.
| კოტე თოლორდავა | |
|---|---|
 | |
| დაბადების თარიღი | 13 მაისი, 1979 |
| გარდაცვალების თარიღი |
11 აპრილი, 2015 (35 წლის) მოსკოვი, რუსეთი |
| მოქალაქეობა |
 სსრკ →  საქართველო |
| საქმიანობა |
|
| მეუღლე(ები) |
მარიამ ჯოლოგუა (იქ. 1999–2002) განო მელითაური (იქ. 2007–15) |
ნათამაშები აქვს როლები მარჯანიშვილისა და მოზარდ მაყურებელთა თეატრებში, ასევე თეატრში ათონელზე. განსაკუთრებული პოპულარობა მოიპოვა ტელესერიალში „ჩემი ცოლის დაქალები“ შესრულებული დიტო შარაშენიძის როლით. 2013 წელს მონაწილეობა მიიღო შინაგან საქმეთა სამინისტროს მიერ გადაღებულ დოკუმენტურ ფაქტებზე დაფუძნებულ ფილმში „ვინ მოკლა ილია“, სადაც ილია ჭავჭავაძის როლი ითამაშა.[1] მსახიობობის პარალელურად პალიტრა TV-ზე, მეუღლესთან განო მელითაურთან ერთად, მიჰყავდა გადაცემა „განო და კოტე“.
გარდაიცვალა 2015 წლის 11 აპრილს, დიდ შაბათს, აღდგომის წინა დღეს, მოსკოვში, სადაც ფილმის გადაღებაზე იმყოფებოდა[2]. მსახიობი რუსეთის დედაქალაქში 9 აპრილს გაემგზავრა. ის თბილისში 14 აპრილს უნდა დაბრუნებულიყო. გარდაცვლილი 16 საათზე იპოვეს სასტუმროს ნომერში, სადაც რუსი სამართალდამცავების ინფორმაციით ასევე ნაპოვნი იქნა თეთრი ფხვნილი და ერთჯერადი შპრიცი. ექსპერტიზის თქმით, მსახიობი დილით ადრე გარდაიცვალა.[3] მოგვიანებით ოჯახის წევრებმა და მეგობრებმა გაასაჯაროეს ექსპერტიზის დასკვნა სადაც აღნიშნული იყო, რომ თოლორდავა ინფარქტით გარდაიცვალა და გარდაცვლილის სისხლში ნარკოტიკული ნივთიერებები არ აღმოჩნდა.[4]
პირადი ცხოვრება
კოტეს პირველი მეუღლე მსახიობი მარიამ ჯოლოგუა იყო.[5] ქორწინებიდან წყვილს ვაჟი, ბუკა ჰყავს.
მსახიობმა 2007 წლის 8 ივნისს მეორედ შექმნა ოჯახი და ცხოვრება განო მელითაურს დაუკავშირა.[6] კოტეს გარდაცვალებისას წყვილს უკვე ჰყავდა ორი შვილი — ტასო (2008) და თარაში (2012), განო კი მესამე შვილზე იყო ორსულად.
ფილმოგრაფია
| წელი | ქართულად | მშობლიური სახელწოდება | როლი | |
|---|---|---|---|---|
| 2006 | მფ | გამვლელი N | ||
| 2010 | მფ | აზნიფი |  Азниф | რომა |
| 2012 | მფ | ჟანგის კაცი | ||
| 2012 | ფ | ანა-ბანა | Ана-Бана | |
| 2012–2014 | ს | ჩემი ცოლის დაქალები | დიტო შარაშენიძე | |
| 2013 | ფ | ჩემი ცოლის დაქალის ქორწილი | დიტო შარაშენიძე | |
| 2014 | ფ | ჩემი ცოლის დაქალი კინოში | დიტო შარაშენიძე | |
| 2014 | ფ | ტაქსი | ჯღარკო | |
| 2014 | დფ | ვინ მოკლა ილია | ილია ჭავჭავაძე | |
| 2014 | ფ | ნაღმი |  Landmine Goes Click | ილია |
| 2015 | ფ | 3+3 | გელა | |
| 2015 | ფ | ირმის ნახტომი | Млечный путь | ტაქსისტი |
ნათამაშები როლები
მარჯანიშვილის თეატრი
თბილისის მოზარდ მაყურებელთა ქართული თეატრი
თეატრში ათონელზე
რესურსები ინტერნეტში
- კოტე თოლორდავა — საქართველოს ბიოგრაფიული ლექსიკონი
- კოტე თოლორდავა კინოფილმების ინტერნეტ-მონაცემთა ბაზაში
- კოტე თოლორდავა — ეროვნული ფილმოგრაფია
- კოტე თოლორდავა — kino-teatr.ru (რუსული)
- კოტე თოლორდავა — КиноПоиск (რუსული)
სქოლიო
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
