ვახტანგ გორგასლის ორდენი

ვახტანგ გორგასლის ორდენი — საქართველოს სახელმწიფო ჯილდო, სამხედრო ორდენი. დააწესა საქართველოს პარლამენტმა 1992 წლის 24 დეკემბერს.

ვახტანგ გორგასლის ორდენი
I ხარისხი
II ხარისხი
III ხარისხი
ქვეყანა	საქართველო
ტიპი	ორდენი
სტატუსი	გაიცემა
სტატისტიკა
დაწესების თარიღი	24 დეკემბერი, 1992
რიგითობა
მაღალი ჯილდო	ოქროს საწმისის ორდენი
დაბალი ჯილდო	ღირსების ორდენი

ჯილდოვდებიან საქართველოს სამხედრო მოსამსახურეები, რომლებმაც სამშობლოს დაცვისა და ერთიანობისათვის ბრძოლებში გამოიჩინეს გმირული თავდადება და მამაცობა, უნარიანი ხელმძღვანელობით უზრუნველყვეს სამხედრო ნაწილებისა და ქვეგანაყოფების წარმატება, შეიმუშავეს და განახორციელეს საბრძოლო ოპერაციები. ორდენით აჯილდოებენ აგრეთვე სპორტსმენებსა და კულტურის მოღვაწეებს განსაკუთრებული დამსახურებისათვის. ორდენის ესკიზის ავტორებია: გ. ავსაჯანიშვილი, ე. ბურჯანაძე.

ვახტანგ გორგასლის ორდენი სამი ხარისხისაა. დაჯილდოება ხდება შემდეგი თანამიმდევრობით: III ხარისხის ორდენით ჯილდოვდებიან სამსახურებრივი მოვალეობის შესრულებისას გამოვლენილი მაღალი საბრძოლო მომზადებისათვის; II ხარისხის ორდენით ჯილდოვდებიან სამხედრო ხელმძღვანელობის საბრძოლო დავალების წარმატებით შესრულებისათვის; I ხარისხის ორდენით ჯილდოვდებიან ერისა და სამშობლოს წინაშე განსაკუთრებული დამსახურებისათვის, თავდადებისა და თავგანწირვისათვის.

ლიტერატურა

• ჯავახიშვილი ნ., ენციკლოპედია „საქართველო“, ტ. 3, თბ., 2014. — გვ. ?.

რესურსები ინტერნეტში

• საქართველოს სახელმწიფო ჯილდოები დაარქივებული 2015-07-12 საიტზე Wayback Machine.
• საქართველოს სახელმწიფო ჯილდოები
• საქართველოს კანონი. საქართველოს სახელმწიფო ჯილდოების დაწესების შესახებ
• საქართველოს რესპუბლიკის სახელმწიფო ჯილდოების ორდენებისა და მედლების დებულება
• ვახტანგ გორგასლის პირველი ხარისხის ორდენი^{[მკვდარი ბმული]}
• საქართველოს სამხედრო და სახელმწიფო ჯილდოები დაარქივებული 2020-10-18 საიტზე Wayback Machine.