ვაზა (დინასტია)

ვაზას დინასტია — ევროპის სამეფო დინასტია, დაარსებული გუსტავ ერიქსონის მიერ 1523 წელს. ვაზას დინასტიის წარმომადგენლები სხვადასხვა ქვეყნებში მეფობდნენ: შვედეთში 1523-1654 წლებში, პოლონეთსა და ლიტვაში 1587–1668 წლებში და რუსეთში 1610–1613 წლებში.

სხვა მნიშვნელობებისთვის იხილეთ ვაზა.

ვაზათა დინასტიის გერბი.

შვედეთის მეფეები და დედოფლები

პოლონეთ-ლიტვის გერბი ვაზათა დინასტიის მმართველობის პერიოდში .

პოლონეთ-ლიტვის დროშა ვაზათა დინასტიის მმართველობის პერიოდში (1587–1668).

• გუსტავ I (1523–1560)
• ერიკ XIV (1560–1568)
• იოჰან III (1568–1592)
• სიგიზმუდ (1592–1599)
• კარლ IX (1604–1611; რეგენტი 1599)
• გუსტავ II (გუსტავ ადოლფ დიდი) (1611–1632)
• კრისტინა (1632–1654)

პოლონეთის მეფეები და ლიტვის დიდი ჰერცოგები

• სიგიზმუნდ III ვაზა (1587–1632) (იოანე III-ის ვაჟი)
• ვლადისლავ IV (1632–1648)
• იოანე II (1648–1668)

ვაზათა მმართველობა რუსეთში

1609 წელს პოლონეთის მეფე სიგიზმუდ III შეიჭრა რუსეთში. ხელისუფლების სათავეში მყოფმა ბოიარებმა რუსეთის სამეფო ტახტზე მიიწვიეს პოლონეთის მეფის ვაჟი ვლადისლავ IV. პოლონელები მოსკოვში შევიდნენ. მაშინ როდესაც ბოიარები პოლონელებთან გარიგებებს აწარმოებდნენ . რუსი ხალხი აჯანყებისთვის ემზადებოდა. მალე მოსკოვის ქუჩებში ბრძოლები გაჩაღდა ნიჟნი ნოვგოროდში ერობის მამასახლისის კუზმა მინინის და თავად დიმიტრი პოჟარსკის მეთაურობით შეიქმნა სახალხო ლაშქარი . რომლებმაც რუსეთიდან გააძევეს პოლონელები. ამის შემდეგ რუსეთში დაემხო ვაზათა მმართველობა.

რუსეთში ვაზათა მმართველობამ სამ წელსაც ვერ მიაღწია.

იხილეთ აგრეთვე

• ვაზა (ხომალდი)

რესურსები ინტერნეტში

• ვაზას დინასტია (გერმანულად)^{[მკვდარი ბმული]}

ვაზა (დინასტია)
წინამორბედი: ოლდენბურგების სახლი	შვედეთის სამეფო სახლი 1523—1654	შემდეგი: ფალც-ცვეინბრიუკენის დინასტია
წინამორბედი: იაგელონების სახლი	პოლონეთის სამეფო სახლი 1587—1668	შემდეგი: ვიშნევეცკის დინასტია
	ლიტვის დიდი საჰერცოგო 1587—1668