გიორგი შავგულიძე

გიორგი „ჟორა“ ვლადიმერის ძე შავგულიძე (დ. 16 ნოემბერი, 1910, ქუთაისი — გ. 13 აპრილი, 1959, თბილისი, საქართველოს სსრ, სსრკ) — ქართველი მსახიობი, საქართველოს სახალხო არტისტი (1955), საბჭოთა კავშირის სახელმწიფო პრემიის ლაურეატი (1952), დაჯილდოებულია ორი ორდენით და მედლებით.

გიორგი შავგულიძე
გიორგი შავგულიძე, კადრი ფილმიდან „ქეთო და კოტე“
დაბადების თარიღი	16 ნოემბერი, 1910 ქუთაისი, რუსეთის იმპერია
გარდაცვალების თარიღი	13 აპრილი, 1959 (48 წლის) თბილისი, საქართველოს სსრ, სსრკ

ბიოგრაფია

საშუალო განათლება ქუთაისშივე, ყაუღჩიშვილების სკოლაში მიიღო. 1928 წელს, სკოლის დამთავრებიდან რამდენიმე თვის შემდეგ ქუთაის –ბათუმის თეატრის დასში მუშაობდა, რომელსაც კოტე მარჯანიშვილი ხელმძღვანელობდა. ორ წელიწადში თეატრი თბილისში გადმოვიდა (შემდგომში მარჯანიშვილის სახელობის თეატრი). 1934 წელს დაქორწინდა მსახიობ ლიზიკო ვაჩნაძეზე.

გადაღებულია ფილმებში: „დიადი განთიადი“ (1938), „გიორგი სააკაძე“ (1943), „დავით გურამიშვილი“ (1946), „ქეთო და კოტე“ (1948), „ბედნიერი შეხვედრა“ (1949), „ჭრიჭინა“ (1954), „ცისკარა“ (1955) და სხვა.

დაიღუპა ტრაგიკულად 1959 წლის 13 აპრილს. დაკრძალულია ქართველ მწერალთა და საზოგადო მოღვაწეთა დიდუბის პანთეონში. მასთან ერთად დაკრძალულია შავგულიძის მეუღლე — მსახიობი ელისაბედ (ლიზა) კონსტანტინეს ასული ვაჩნაძე (დ. 1912 — გ. 2004).

თბილისში არსებობს მისი სახელობის ქუჩა.

ფილმოგრაფია

• 1938: „დიადი განთიადი“ (პავლე ღუდუშაური) რეჟ. მიხეილ ჭიაურელი
• 1940: „კოლხეთის ჩირაღდნები“ (არჩილი) რეჟ. დავით რონდელი
• 1942: „ხიდი“ (ილო – ბატალიონის უფროსი) რეჟისორები კონსტანტინე პიპინაშვილი, შოთა მანაგაძე
• 1943: „გიორგი სააკაძე“ (ნოდარი) რეჟ. მიხეილ ჭიაურელი
• 1946: „დავით გურამიშვილი“ (დავით გურამიშვილი) რეჟისორები ნიკოლოზ სანიშვილი, იოსებ თუმანიშვილი
• 1948: „ქეთო და კოტე“ (ნიკო) რეჟისორები ვახტანგ ტაბლიაშვილი, შალვა გედევანიშვილი
• 1949: „ბედნიერი შეხვედრა“ (ერემო) რეჟ. ნიკოლოზ სანიშვილი
• 1950: „გაზაფხული საკენში“ (რაშიდი) რეჟ. ნიკოლოზ სანიშვილი
• 1952: „მწვერვალთა დამპყრობნი“ (სიმონ ლომიძე) რეჟ. დავით რონდელი
• 1954: „ისინი ჩამოვიდნენ მთიდან“ (აპარეკა) რეჟ. ნიკოლოზ სანიშვილი
• 1954: „ჭრიჭინა“ (არჩილი) რეჟისორები სიკო დოლიძე, ლევან ხოტივარი
• 1955: „ცისკარა“ (გრძნეული) რეჟ. სერგო ჭელიძე
• 1956: „ბაში-აჩუკი“ (ზაალ ერისთავი) რეჟ. ლეო ესაკია
• 1957: „მე ვიტყვი სიმართლეს“ (კოსტა) რეჟ. ლევან ხოტივარი
• 1957: „ქალის ტვირთი“ (კლიმიაშვილი) რეჟ. ნიკოლოზ სანიშვილი
• 1958: „მამლუქი“ (ასლან-ბეგი) რეჟ. დავით რონდელი
• 1959: „განაჩენი“ (მერაბი) რეჟ. ლევან ხოტივარი
• 1959: „ზვიგენის კბილი“ (აბდელკადერი) რეჟ. შალვა გედევანიშვილი

ნათამაშები როლები

მარჯანიშვილის თეატრი

• „ანტონიოს და კლეოპატრა“ (იულიუსი)
• „მისი ვარსკვალავი“ ( ნიკოფორე)
• „ირინეს ბედნიერება“ (აბესალომი)
• „მეფე ერეკლე“ ( საიათნოვა)
• „დავით აღმაშენებელი“ (ჭყონდიდელი)
• „კოლმეურნის ქორწინება“ (ხარიტონი)

ჯილდოები, პრემიები და პრიზები

• 1952: სსრკ სახელმწიფო პრემია
• 1955: საქართველოს სახალხო არტისტი

ლიტერატურა

• გურაბანიძე ნ., ქართული საბჭოთა ენციკლოპედია, ტ. 10, თბ., 1986. — გვ. 669-670.
• ზ. ბაბუნაშვილი, თ. ნოზაძე, „მამულიშვილთა სავანე“, გვ. 363, თბ., 1994
• გაზ. „კვირის პალიტრა“, 7–13 მარტი, 2011, №10 (866), გვ. 15.

რესურსები ინტერნეტში

• გიორგი შავგულიძე — საქართველოს ბიოგრაფიული ლექსიკონი
• გიორგი შავგულიძე [დაარქივებული] — ეროვნული ფილმოგრაფია
• გიორგი შავგულიძე კინოფილმების ინტერნეტ-მონაცემთა ბაზაში