გვენდოლინ ტრეისი ფილიპა კრისტი (ინგლ. Gwendoline Tracey Philippa Christie,[1] დ. 28 ოქტომბერი, 1978[2]) — ინგლისელი მსახიობი და მოდელი. იგი ცნობილია ბრიენ ტართელის როლის შესრულებით HBO-ის ფანტასტიკურ-დრამატულ სერიალში „სატახტოთა თამაში“ (2012–2019). ის ასევე ასრულებს პირველი ორდენის წევრის, კაპიტანი ფასმას როლს ვარსკვლავური ომების ფილმების სერიაში „ვარსკვლავური ომები: ძალის გამოღვიძებასა“ (2015) და ვარსკვლავური ომები: უკანასკნელი ჯედაიში (2017). სატახტოთა თამაშში შესრულებული როლისთვის ის ნომინირებული იყო პრაიმტაიმის ემის ჯილდოზე დრამაში საუკეთესო შემსრულებელი ქალის კატეგორიაში.
| გვენდოლინ კრისტი | |
|---|---|
.jpg) კრისტი სატახტოთა თამაშის ღონისძიებაზე 2019 წელს | |
| მშობლიური სახელი | ინგლ. Gwendoline Christie |
| დაბადების სახელი | გვენდოლინ ტრეისი ფილიპა კრისტი[1][2] |
| დაბადების თარიღი |
28 ოქტომბერი, 1978[1][3] უორთინგი, დასავლეთ სასექსი, ინგლისი |
| მოქალაქეობა |
 გაერთიანებული სამეფო |
| ალმა-მატერი | ლონდონის დრამის ცენტრი |
| საქმიანობა | მსახიობი |
| აქტიური | 2006-დან დღემდე |
| სიმაღლე | 1.91 მეტრი |
| პარტნიორ(ებ)ი | ჯილს დიკონი (2013-დღემდე) |
ადრეული წლები
გვენდოლინ ტრეისი ფილიპა კრისტი დაიბადა უორთინგში, დასავლეთ სასექსში, ინგლისში. მას ჰყავს ორი უფროსი ნახევარძმა.[4] დედამისი დიასახლისი იყო, მამა კი ვაჭრობაით იყო დაკავებული.[1][5] იგი გაიზარდა სოფელ საუთ-დაუნის მახლობლად.[6] კრისტი ბავშვობაში ტანვარჯიშზე დადიოდა, თუმცა ზურგის ტრავმის შემდეგ მსახიობობა დაიწყო.[7] 2002 წლის განმავლობაში ის ბრაიტონში ტანსაცმლის მაღაზიაში მშაობდა.[8]
2005 წელს კრისტმა ლონდონის დრამის თეატში სწავლა დაასრულა.[6] მას უთხრეს, რომ „ის თავისი პროფესიით ვერასდროს იმუშავებს, რადგან ის მსახიობების უმეტესობას საერთოდ არ ჰგავს“. ამ მიზნის განსახორციელებლად მას შთააგონა ტილდა სვინტონის შესრულებამ ფილმში „ორლანდო“. 2017 წლის ინტერვიუში მან ეს გაიხსენა და თქვა: „კარგი, ის ფილმშია, ის განსხვავებულია და ნამდვოლად ოთახის გარეთ არის. სამყაროს არის და ნამდვილად ოთახის გარეთ არის. ... გავაანალიზე და მივხვდი, რომ იქნებ აქ ჩემთვისაც იყოს ადგილი“.[9][10][11]
კარიერა
2006–2011
2002 წელს კრისტის სიმაღლემ მოხიბლა ფოტოგრაფი პოლი ბორლენდი, რომელმაც 2002 წლიდან 2008 წლამდე კრისტი თავისი ფოტოების სერიის მთავარი თემა გახადა. ამ სერიას ფოტოგრაფმა Bunny უწოდა.[8] კრისტის თქმით, ფოტოსესიის შემდეგ გრძნობდა, რომ ფოტოსურათები, რომელშიც იგი ძირითადად შიშველი ჩანს, დაეხმარა მას შეგუებოდა თავის სხეულს და ქალურობას დაპირისპირებოდა. ამასთან, მოგვიანებით მან განაცხადა, რომ ძალიან უკვირდა, რომ ამაზე ოდესღაც თანხმობა განაცხადა.[5]
კრისტის მრჩეველი დრამატული სკოლის შემდეგ იყო მსახიობი და ავტორი საიმონ ქალოუ.[6] მისი თეატრალური შესრულებებიდან აღსანიშნავია უილიამ შექსპირის ციმბელინის დადგმა ტომ ჰიდლსტონთან ერთად, სადაც დედოფლის როლს ასრულებდა. მან ასევე შეასრულა მეგ უაილდვუდის როლი სპექტაკლში ტიფანის საუზმე და ასევე ლუციფერი კისტოფერ მარლოს დოქტორ ფაუსტში (2016).[6][12][13][14]
ეკრანზე კრისტი დებიუტი შედგა 2007 წელს მოკლემეტრაჟიან ფილმში, სახელწოდებით „დროის ქირურგი“, რომლის ავტორი და რეჟისორია ნათანაელ მელორსი. მისი დებიუტი მხატვრულ ფილმში 2009 წელს შედგა, როდესაც მონაწილეობა მიიღო ტერი გილიამის ფილმში „ექიმი პარნასუსის ფანტაზია“.[6]
„სატახტოთა თამაში“
2011 წლის ივლისში, კრისტი შეირჩა მებრძოლ ბრიენ ტართელის როლზე HBO–ს სერიალის, „სატახტოთა თამაშის“ მეორე სეზონში. მისი პერსონაჟი ძალიან მაღალი, დაკუნთული და უბრალო გარეგნობის ქალია. სერიალის ფანებმა პროდიუსერებს კრისტი როლზე პირველივე სეზონიდანვე შესთავაზეს.[15] კრისტიმ განაცხადა, რომ რომანის წაკითხვის შემდეგ ბრიენი მის საყვარელ პერსონაჟად იქცა და მისი როლის შესრულება ძალიან უნდოდა.[7] კასტინგისთვის მოსამზადებლად ის უნისექს ტანსაცმლით გადაადგილდებოდა და რეგულარულად ვარჯიშობდა, რათა მისი კუნთები გაზრდილიყო.[6] სერიალის თანაავტორის, პროდიუსერისა და რომანების ავტორის, ჯორჯ რეიმონდ რიჩარდ მარტინის თქმით, მან პრაქტიკულად დებატების გარეშე მოიპოვა როლი სატესტო შესრულების შემდეგ, სადაც ბრიენისთვის შესაფერისი ტანისამოსით წარსდგა.[16] [17][6][10]
„სატახტოთა თამაშში“ მისი პერსონაჟი პირველად მეორე სეზონის მესამე ეპიზოდში, „What Is Dead May Never Die“-ში გამოჩნდა, რომლის პრემიერაც 2012 წლის 15 აპრილს შედგა.[17] მისმა სადებიუტო გამოსვლამ კრიტიკოსებისგან დიდი მოწონება დაიმსახურა; ნინა შენ რასტოგიმ შეაქო მისი „მრავლისმეტყველი და ფიზიკური შესრულება“ და აღნიშნა, რომ მისმა სიარულმა, პოზიციამ და მწუხარებამ ეფექტურად გადმოსცა ბრიენის ერთგულება და შესაძლებლობა, რომ გახდეს რაინდი.[18][19] შოუს მესამე სეზონში ბრიანის როლის შესრულებისთვის, კრისტი იყო ნომინირებული 2014 წლის სატურნის ჯილდოზე ტელევიზიაში საუკეთესო მეორეხარისხოვანი როლის შემსრულებელი ქალის კატეგორიაში.[20] ის ასევე იყო სამსახიობო ჯგუფის წევრი, რომელიც ხჯერ იყო ნომინირებული კინომსახიობთა გილდიის ჯილდოზე მსახიობთა ჯგუფის საუკეთესო შესრულებისთვის დრამატულ სერიალში.[21][22][23][24][25]
პირადი ცხოვრება
კრისტის სიმაღლეა 1.91 მეტრი.[10][5] როდესაც პატარა იყო, გვენდოლინი ხშირად იყო ძალადობის მსხვერპლი მისი სიმაღლის გამო.[26][27]
2013 წლიდან მსახიობი ურთიერთობაშია დიზაინერ ჯილს დიკონთან.[28][29]
რესურსები ინტერნეტში
სქოლიო
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
