From Wikipedia, the free encyclopedia
აფონსუ II სქელი (პორტ. Afonso II o Gordo; დ. 23 აპრილი, 1185 — გ. 25 მარტი, 1223) — პორტუგალიის მეფე ბურგუნდიელთა დინასტიიდან 1211 - 1223 წლებში. სანჩუ I და დულკა არაგონელის ვაჟი. იქორწინა 1206 წელს ურაკაზე, კასტილიის მეფის ალფონსო VIII-ის ასულზე.
| აფონსუ II | |
|---|---|
| Afonso II | |
 | |
| პორტუგალიის და ალგარვის მეფე | |
| მმართ. დასაწყისი: | 26 მარტი 1212 |
| მმართ. დასასრული: | 25 მარტი 1223 |
| წინამორბედი: | სანშუ I |
| მემკვიდრე: | სანშუ II |
| პირადი ცხოვრება | |
| დაბ. თარიღი: | 23 აპრილი 1185 |
| დაბ. ადგილი: | კოიმბრა, პორტუგალიის სამეფო |
| გარდ. თარიღი: | 5 მარტი, 1223 |
| გარდ. ადგილი: | კოიმბრა, პორტუგალიის სამეფო |
| მეუღლე: |
ურაკა კასტილიელი (ქ. 1206 - გარდ. 1220) |
| შვილები: |
სანშუ II, პორტუგალიის მეფე აფონსუ III, პორტუგალიის მეფე ელეანორა, დანიის დედოფალი |
| დინასტია: | ბურგუნდიული დინასტია |
| მამა: | სანშუ I |
| დედა: | დულკა არაგონელი |
აფონსუს მმართველობა დებთან ჩხუბით დაიწყო. სანჩუ I-მა მათ დიდი მამულები დაუტოვა, მაგრამ მეფეს ამდენის გაღება არ სურდა. მხოლოდ 1216 წელს რომის პაპის ინოკენტი III-ს ჩარევის შემდეგ მორიგდა მათთან, მამულების ნაწილის მიცემით. 1217 წელს ნინდერლანდელი ჯვაროსნების დახმარებით, მან დაამარცხა მუსლიმები ალკასერ დო სოლის ბრძოლაში. მოქალაქეები დანებდნენ. მეფემ ბრძანა მოეკლათ ყველა მამაკაცი, ვისაც იარაღის ტარება შეუძლია, ხოლო დანარჩენი მოსახლეობა განდევნა. რომის პაპთან კონფლიქტში, აფონსუს თავი ისევე მტკიცედ ეჭირა, როგორც მამამისს. ამის გამო იგი განკვეთეს ეკლესიისგან და მთელს სამეფოს დაედო ინტერდიქტი. აფონსუმ კარგი კანონები შემოიღო თავისუფალი მოქალაქეების დასაცავად, ზრუნავდა სასამართლოების სამართლიანობასა და სიცოცხლის უსაფრთხოებაზე. იგი პაპთან შეურიგებლად მოკვდა.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
