From Wikipedia, the free encyclopedia
Unkle — ბრიტანული მუსიკალური კოლექტივი, ჩამოყალიბებული 1994 წელს, სკოლის მეგობრების ჯეიმზ ლავილისა (James Lavelle) და ტიმ გოლვორთის (Tim Goldsworthy) მიერ. პროექტის ძირითადი მიმდინარეობა არის ტრიპ-ჰოპი. სხვა მუსიკოსებთან ერთად კოლექტივში იყო პროდიუსერი დიჯეი შედოუ (DJ Sadow).
სტატიას ან სექციას სჭირდება განახლება. |
漢>ა A>ა | ეს სტატია/სექცია ქართულ ენაზე თარგმნის პროცესშია. თუ ფლობთ ამ ენას, თქვენც შეგიძლიათ მონაწილეობის მიღება. |
UNKLE | |
---|---|
| |
ბიოგრაფია | |
წარმოშობა | ლონდონი, ინგლისი |
ჟანრ(ებ)ი |
ალტერნატიული როკი ელექტრონული მუსიკა ტრიპ-ჰოპი ელექტრონული როკი |
აქტიური | 1994 — დღემდე |
ლეიბლ(ებ)ი |
Mo' Wax Global Underground Surrender-All |
წევრები |
ჯეიმზ ლავილი პაბლო კლემენტსი |
ყოფილი წევრები |
დიჯეი შედოუ ტოშიო ნაკანიში მასაუკი კუდო ტიმ გოლვორთი რიჩარდ ფაილი |
საიტი | www.Unkle.com |
იაპონური ჰიპ–ჰოპ ჯგუფი Major Force-ის (შემდგომში Major Force West) წევრებმა მასაიუკი კუდომ და ტოშიო ნაკანიშიმ შეკრიბეს ჯეიმზ ლავილი და ტიმ გოლვორთი. მათ ასევე მოიყვანეს რამდენიმე მუსიკოსი, მათ შორის მანი მარკი (ინგლ. Money Mark) (ჯგუფ ბისტი ბოიზის მეკლავშე), ჯგუფი Scratch Perverts, იაპონელი ტანსაცმლის დიზაინერი ნიგო და ტაგაკი კანი (ასევე Major Force-ის წევრები). მათ 1994 წელს გამოუშვეს პირველი EP სახელწოდებით The Time Has Come ლავილის ხმის ჩამწერ სტუდიაში Mo' Wax.
1995 წელს სადებიუტო ალბომზე მუშაობისას ლავილს და გოლდვორთის უთანხმოება მოუვიდათ მუსიკის სტილთან დაკავშირებით, მაშინ როდესაც გოლდვორთის უნდოდა შეენარჩუნებინა ძველი მიმდინარეობა, ლავილი აპირებდა პროექტში მოეწვია სხვადასხვა ჰიპ-ჰოპ და როკ შემსრულებლები, რის გამოც ტიმ გოლდვორთიმ დატოვა პროექტი და დაიწყო მუშაობა ბელფასტელ მუსიკოსთან და პროდიუსერთან დევიდ ჰოლმსთან (ინგლ. David Holmes) ერთად.
ამ პერიოდის ჩანაწერებიდან, Bary Meditation და რამდენიმე სხვა სიმღერა, მანი მარკისა და ბისტი ბოიზის პროდიუსერის მარიო კალდატო უმცროსის (Mario Caldato Jr.) მონაწილეობით, მოგვიანებით იქნა გამოშვებული როგორც სინგლები, რამდენიმე მათგანი გამოშვებული იქნა Major Force West-ის 1997 წლის ალბომში ლავილის სახელის გარეშე. 1998 წელს იაპონიაში იქნა გამოშვებული სამი ექსკლუზიური EP, რომელშიც შედიოდა ზემოთ ხსენებული სიმღერები, ცნობილი როგორც Unkle-ის ადრეული ნამუშევრების უკანასკნელი გამოცემა.
ლავილი იწყებს მუშაობას პროდიუსერ დიჯეი შედოუსთან ერთად და უშვებენ ერთობლივ სადებიუტო ალბომს რომელშიც უარყოფილია ყველა მანამდე ჩაწერილი მასალა. 1998 წელს უშვებენ სადებიუტო ალბომს სახეწოდებით Psyence Fiction, რომელმაც გამოიწვია დიდი გამოხმაურება. ალბომში შედიოდა თანამშრომლობიები მთელ რიგ ვარსკვლავებთან როგორებიც არიან ტომ იორკი (Radiohead), მაიკ დი (ბისტი ბოიზი) ქულ ჯი რეპ (ინგლ. Kool G. Rap), ჯეისონ ნიუსტედი (Jason Newsted) (მეტალიკა), ბედლი დროუნ ბოი (Badly Drawn Boy) და რიჩარდ აშკროფტი (Richard Ashcroft) (ვერვი).
Psyence Fiction-ის ტურნეს შემდეგ შედოუმ დატოვა პროექტი და მის მაგივრად მოღვაწეობა განაგრძო თარნთეიბლის ჯგუფმა Scratch Perverts. მოგვიანებით 1999 წელს თანაპროდიუსერმა რიჩარდ ფაილმა (ინგლ. Richard File) გადააკეთა სიმღერა „Unreal“ და დაადო იან ბრაუნის (Ian Brown) (Stone Roses) ვოკალი, საბოლოო სიმღერა გამოუშვეს სინგლის სახით სახელწოდებით „Be There“.
2001 წელს ლავილმა და ფაილმა გადაარქვეს პროექტს სახელი და დაარქვეს Unklesounds, და იაპონური რადიოებისთვის გამოუშვეს დიჯეი მიქსი Do Androids Dream of Electric Beats?. რელიზი ხაზს უსვამდა ელექტრონული მუსიკის მიმდინარეობას რომელიც ჯგუფმა იმ პერიოდისთვის აირჩია. რელიზში შედიოდა რამდენიმე ამბიენტის სტილში გამიქსული სიმღერა ალბომიდან Psyence Fiction.
2003 წელს რიჩარდ ფაილმა თანაპროდიუსირება გაწია, დაუკრა და იმღერა ალბომში Never, Never, Land, რომელიც ასევე ძირითადად შედგებოდა სხვადასხვა, მაღალი რანგის, მუსიკოსებთან თანამშრომლობიებით. სხვებთან ერთად ალბომში შესულია თანამშრომლობიები'იან ბრაუნთან, ჯოშ ჰომთან (ინგლ. Josh Homme) (Queens of the Stone Age), რობერტ დელ ნაიასთან (Robert Del Naja) (Massive Attack) და Mani-სთან (The Stone Roses, Primal Scream). ლეიბლის შეცვლისა და ლავილის სავაჭრო ნიშნის მიერ, ალბომის სხვადასხვა ფორმატით გამოშვების, დაჟინებული მოთხოვნის შედეგად ალბომი არ იყო საკმარისად წარმატებული (ალბომი გამოუშვა რამდენიმე ლეიბლმა, Mo' Wax, Universal Island Records და Global Underground).
ლავილი და ფაილი აგრძელებენ რელიზებს Unklesounds-ის სახელწოდებით. მათ, ლონდონის თანამედროვე ხელოვნების ინსტიტუტის წვეულებისთვის „After Dark 2004“, გამოუშვეს მიქსების ალბომი Edit Music for a Film: Original Motion Picture Soundtrack Reconstruction, რომელშიც შევიდა ფილმების სემპლები და საუნდტრეკები.
2006 წელს Global Underground-მა გამოუშვა Never, Never, Land-ის სიმღერების რიმეიქებისგან შემდგარი CD კრებული Self Defence: Never, Never, Land Reconstructed and Bonus Beats. სეტში ასევე შესული იყო სიმღერები, რომლებიც მანამდე ხელმისაწვდომი იყო მხოლოდ ალბომის (Never, Never, Land) DVD ვერსიაში და Unkle-ის მომდევნო ალბომიდან სიმღერის Burn My Shadow რემიქსები.
პროექტის მომდევნო ალბომი War Stories გამოვიდა 2007 წლის ზაფხულში უკვე Unkle-ის სახელწოდებით. წინა ორი ალბომის მსგავსად ამ ალბომშიც იქნა შენარჩუნებული სხვადასხვა მუსიკოსებთან თანამშრომლობიების ტენდენცია. ამჯერად სიმღერებში გაისმა ჯოშ ჰომის, გევინ კლარკის (ინგლ. Gavin Clarke), რობერტ დელ ნაიას, იან ესტბარის, დიუკ სპირიტის (The Duke Spirit), აუტოლუქსის და ნეილ დევიჯის (Neil Davidge) ვოკალი. სინგლის Hold My Hand გამოშვების შემდეგ პაბლო კლემენტსი (Pablo Clements) (The Psychonauts) გახდა პროექტის წევრი.
ალბომი More Stories გამოვიდა 2008 წლის იანვარში, და შედგება B-Side-ებისგან, რემიქსებისგან, ალბომ War Stories ჩაწერის დროს ალბომში არ შესული სიმღერებისგან და ფილმისთვის ოდისეა რომში შექმნილი საუნდტრეკებისგან. მალევე რიჩარდ ფაილმა განაცხადა, რომ, იგი 10 წლის თანამშრომლობის შემდეგ ტოვებდა პროექტს რათა მეტი ყურადღება მიექცია თავისი ახალი პროექტისთვის We Fell to Earth.
ამავე წლის მარტში ლონდონში, Lazarides Gallery-ში გაიმართა გამოფენა სახელწოდებით „War Paint“, სადაც გამოფენილი იყო, Unkle-ის ალბომის, War Stories მიერ შთაგონებული მხატვრების ნამუშევრები, მათ შორის რობერტ დელ ნაია, ვარენ დუ პრე, ნიკ თორნტონ ჯონსი, ვილიამ ბანკჰედი და ბენ დრუდი.
Unkle-მა დაიწყო ტურნე დიდ ბრიტანეთში Zoot Woman და Sebastian and Mr. Flash-თან (Ed Banger Records). კონცერტი შედგებოდა ოთხი ნაწილისგან რომლებშიც ცოცხლად ასრულებდნენ Unkle-ის ყოფილი თანაშემსრულებლები Badly Drawn Boy, ლეილა მოსი (ინგლ. Leila Moss) (The Duke Spirit), გარვინ კლარკი და ჯოელ კეტბერი (Joel Cadbury) (South).
End Titles... Stories for Film Unkle-ის რიგით მეოთხე ალბომი გამოვიდა 2008 წლის ივლისში. და შეიცავს თანამშრომლობიებს მუსიკოსებთან: კრის გოსი (Chris Goss), ბლექ მაუნტინი (Black Mountain), ფილიპ შეპარდი (Philip Sheppard), დეივ ბეიტმენი (Dave Bateman), ჯოელ კეტბერი და ჯეიმზ პეტრალი (James Petralli) (White Denim). ლავილის განცხადებით „ეს არ არის ტიპური გაგებით ახალი ალბომი, ეს არის მოძრავი გამოსახულებით შთაგონებული ახალი მუსიკა“. ეს ალბომი შეიძლება ჩაითვალოს ერთდროულად ორი ალბომის, War Stories და Edit Music for a Film-ს ნაწილად.
2010 წლის მაისში გამოვიდა მეხუთე სტუდიური ალბომი Where Did the Night Fall. მასზე მუშაობდნენ: მარკ ლანეგანი, ჯოელ კეტბერი ჯგუფიდან South, The Black Angels, Sleepy Sun, კათრინ ფორდი, ELLE J და გევინ კლარკი. ალბომი ხელმისაწვდომია ციფრულ ფორმატში UNKLE-ის საიტზე.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.